काठमाडौं । प्राज्ञिक विद्यार्थी परिषद् नेपाल हिमाली जिल्लाहरूमा पनि सक्रिय भएको छ । परिषद्ले ११ हिमाली जिल्लाहरूमा शैक्षिक सामग्रीहरू वितरण गर्ने भएको छ । शुक्रबार राजधानीमा आयोजित पत्रकार सम्मेलनमा परिषद्ले कक्षा ११ र १२ मा अध्ययनरत १८ सय १० जना विद्यार्थीहरूलाई ३२ लाख २७ हजार मूल्य बराबरको शैक्षिक सामग्री वितरण गर्न लागेको जानकारी दिएको हो ।
परिषद्को सेवाकार्यअन्तर्गत शैक्षिक सामग्री वितरण कार्यक्रम २०७९मा सिन्धुपाल्चोक, दोलखा, रसुवा, बझाङ, ताप्लेजुङ, मनाङ, मुस्ताङ, गोरखा, मुगु, डोल्पा र हम्ला जिल्लामा शैक्षिक सामग्री वितरण गर्ने भएको हो ।
प्राज्ञिक विद्यार्थी परिषद्का राष्ट्रिय संगठन सचिव नारायणप्रसाद ढकालले यो वर्ष मात्रै नभएर विगत २७ वर्षदेखि नै परिषद्ले विद्यार्थी लक्षित शैक्षिक सामग्रीहरू वितरण गर्दै आएको जनाउनुभयो ।
विद्यार्थीहरू अध्ययन गर्ने मात्र नभएर भविष्यका देशका कर्णधार भएको पनि उहाँको भनाइ थियो । उहाँले निःस्वार्थ रूपले विद्यार्थीहरूलाई सहयोग गर्ने परिषद्को मुख्य उद्देश्य रहेको भन्दै भूकम्प र कोरोना पीडितलाई पनि सहयोग गरेको सुनाउनुभयो । यो पटकको शैक्षिक सामग्री वितरण १५औँ पटक भएको उहाँले स्पष्ट पार्नुभयोे ।
उहाँले परिषद्ले हरेक वर्ष कुनै न कुनै सामाजिक कार्यमा सेवा गरिरहेको बताउनुभयो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच