मुम्बई । नेपालमा छायांकन गरिएको बलिउड चलचित्र ‘उचाइ’ को ट्रेलर सार्वजनिक भएको छ । सुरज आर बर्जातियाको निर्देशन तथा राजश्री प्रोडक्सनको व्यानरमा निर्माण भएको यस चलचित्रमा भारतीय सुपरस्टार अमिताभ बच्चन, अनुपम खेर, बोमन इरानी, डेनी डेन्जोङ्पा, नीना गुप्ता, परिणिती चोपडालगायत कलाकारको अभिनय छ ।
ट्रेलरमार्फत चलचित्रले आफ्नो साथीलाई अन्तिम श्रद्धाञ्जलि प्रकट गर्न साथीको अस्तु सगरमाथामा विसर्जन गर्न निस्केका तीन वृद्धको यात्रा र सो क्रममा उनीहरूले भोग्न परेको संघर्षको विषयवस्तुलाई प्रस्तुत गरेको अनुमान लगाउन सकिन्छ । चलचित्रको एक महिनाभन्दा बढी नेपालमा छायांकन गरिएको थियो ।
चलचित्रमा परिणितीले नेपाली पदप्रदर्शकको भूमिका निर्वाह गर्नुभएको छ । साथै चलचित्रमा नेपाली कलाकार परमिता राज्यलक्ष्मी राणा, सरोज लामिछाने, डम्बर बोहरालगायतको अभिनय छ । चलचित्र आगामी नोभेम्बर ११ देखि विश्वभर एकै साथ प्रदर्शनमा आउँदै छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच