खोलामा डुबेर तीन वर्षीय बालिकाको मृत्यु

६ कार्तिक २०७९, आइतबार १८:३३

Read Time = 1 min

प्रदेश समाचार

A A- A+

-रामचन्द्र रायमाझी

पाल्पा । तिनाउ खोलामा नुहाउने क्रममा डुबेर एक बालिकाको मृत्यु भएको छ । पाल्पाको तिनाउ गाउँपालिका–२ स्थित तिनाउ खोलामा नुहाउने क्रममा डुबेर सोही ठाउँका खेमबहादुर सारुको ३ वर्षीय बालिका मायुस सारुको मृत्यु भएको हो ।

आइतबार दिउँसो दिदीसँगै नुहाउन गएका सारु डुबेर बेपत्ता भएका थिए । बेपत्ता उनको प्रहरी चौकी दोभानबाट गएको प्रहरी टोलीले खोजतलास गर्दा नुहाएको स्थान भन्दा केही तल खोलामा अचेत अवस्थामा फेला पारेको थियो । उनको उपचारका लागि प्रादेशिक अस्पताल बुटवल पठाइएकोमा डाक्टरले मृत घोषणा गरेको जिल्ला प्रहरी कार्यालयले जनाएको छ । घटनाका विषयमा थप अनुसन्धान भइरहेको जिल्ला प्रहरी कार्यालयका प्रहरी नायव उपरीक्षक वीरेन्द्र थापाले जानकारी दिनुभयो ।

यो खबर पढेर तपाईलाई कस्तो महसुस भयो ?