कपिलवस्तुमा कराँते प्रतियोगिता सुरु

हिमालय टाइम्स

Sunday November 6, 2022

Read Time = 1 min

खेलकुद

A A- A+

तौलिहवा । कपिलवस्तुको शिवराज नगरपालिका-३ देउरालीमा अन्तर्राष्ट्रियस्तरको कराँते प्रतियोगिता-२०२२ सुरु भएको छ । प्रतियोगितामा नेपाल, भारत र भुटानका कराँते खेलाडीको सहभागिता छ । प्रतियोगिताको उद्घाटन गर्दै पूर्व-सांसद तथा प्रतिनिधिसभा सदस्य पदका उम्मेदवार अभिषेकप्रताप शाहले खेलको विकास हुनु राम्रो पक्ष भएको बताउनुभयो । बुद्ध शक्ति कराँते डोजोको आयोजनामा सो प्रतियोगिता भएको हो ।

कार्यक्रममा पूर्व–प्रदेशसभा सदस्य तथा नेकपा एमाले कपिलवस्तु क्षेत्र नं. ३ (१) का उम्मेदवार अर्जुनकुमार केसीले खेलकुदको माध्यमबाट यस क्षेत्रका खेलाडीहरूले राष्ट्रियस्तरमा अवसर पाउने बताउनुभयो । प्रतियोगिताको प्रथम पुरस्कार एक लाख, द्वितीयलाई ५० हजार र तृतीयलाई २५ हजार मेडलसहित प्रमाणपत्र रहेको आयोजक बुद्ध शक्ति कराँते डोजोका संयोजक रामु सुनारले बताउनुभयो ।

यो खबर पढेर तपाईलाई कस्तो महसुस भयो ?