काठमाडौं । नेपालका शिभाली गुरुङ र आद्या पौडेल २०औं जयकर स्मृति एटीएफ यु-१४ टेनिस प्रतियोगिता अन्तर्गत सर्किट-१ को गल्र्स सिंगल्सको फाइनलमा प्रवेश गर्नुभएको छ । दुवैले आफ्नै राष्ट्रका खेलाडीलाई पराजित गर्दै उपाधि भिडन्त पक्का गर्नुभएको हो ।
सातदोबाटोस्थित टेनिस कोर्टमा शिभालीले प्रशंसा मोक्तानलाई ७-५ र ६-० तथा आद्याले स्वस्तिाका विष्टलाई ६-१, २-६ र ६-३ को सेटमा पराजित गर्नुभयो । ब्वाइज सिंगल्समा नेपालका आयुशमान हजुर घलेले बंगलादेशका मोहम्मद तन्विर मुन तुसारलाई ६-३ र ६-३ तथा भारतका भिभान मिर्धाले भारतका जिबुलाई ६-४ र ६-० को सोझो सेटमा हराउनुभयो ।
ब्वाइज डबल्समा हङकङका छुइन हेइ करिसन फुङ र छियोङ मोरिस ताङको जोडीले बंगलादेशका मोहम्मद अली होसेन र मोहम्मद तन्विर मुन तुसारको जोडीलाई ६-२ र ६-२ को सोझो सेटमा पाखा लगाउँदै फाइनलमा स्थान पक्का गर्नुभयो ।
गल्र्स डबल्समा नेपालका प्रशंसा मोक्तान र आद्या पौडेलको जोडीले भारतका प्रेरणा सन्ट्रा र सान्भी रेडी भ्युन्द्यालाको जोडीलाई ५-७ र ६-१ (१०-६) ले पन्छ्याउँदै फाइनलमा पुग्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच