काठमाडौं । प्रधानमन्त्री पुष्पकमल दाहाल प्रचण्ड सरकारी निवास बालुवाटार प्रवेश गर्नुभएको छ। आज साँझ खुमलटारबाट उहाँ बालुवाटार जानुभएको हो ।
उहाँले यसअघि बालुवाटारमा आफ्नो लागि भन्दै कुनै भड्किला सामान नकिन्न समेत निर्देशन दिनुभएको थियो ।
यस अघि भोलि मात्र प्रधानमन्त्री सर्ने तयारी भइरहेको प्रचण्डका प्रेस सल्लाहकार सूर्य किरणले जानकारी दिनुभएको थियो ।
तर, आज बालुवाटारका ज्योतिष टिकाराम घिमिरेको साइतअनुसार साँझ ५ बजे प्रवेश गर्ने भनिए पनि करिब एक घण्टा ढिलो उहाँ प्रवेश गर्नुभयो । उहाँ साँझ ६:२० मा बालुवाटार सर्नुभएको हो ।
आइतबार प्रधानमन्त्रीमा नियुक्त प्रचण्डले सोमबार अपराह्न राष्ट्रपति भवन शीतल निवासमा पद तथा गोपनियताको शपथग्रहण गर्नुभएको थियो।
माओवादी केन्द्रका अध्यक्ष समेत रहनुभएका प्रचण्ड तेस्रो पटक देशको ४४ औं प्रधानमन्त्रीमा नियुक्त हुनुभएको । उहाँ यसअघि २०६५ र २०७३ सालमा मा ९–९ महिना प्रधानमन्त्री बन्नुभएको थियो ।
निवर्तमान प्रधानमन्त्री शेरबहादुर देउवा आजै विहानमात्र बालुवाटारबाट धुम्बाराही भाडाको घरमा सर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच