पोखरा । संकटा फुटबल क्लबले २२औँ संस्करणको आहा रारा पोखरा गोल्डकप फुटबलको फाइनलमा स्थान बनाएको छ । पोखरा रंगशालामा बुधबार भएको पहिलो सेमिफाइनलमा साबिक विजेता एपिएफ क्लबलाई चार-एक गोल अन्तरले हराउँदै संकटा उपाधि नजिक पुगेको हो । संकटालाई जित दिलाउन स्टेफन विनोङ र मेसुके ओलोमोउले दुई-दुई गोल गर्नुभयो । एपिएफका हरि कार्कीले एक गोल फर्काउनुभयो ।
खेलको पाँचौँ मिनेटमा स्टेफनले गोल गर्दै संकटालाई सुरुवाती अग्रता दिलाउनुभयो । मेसुकेले ४३औँ मिनेटमा गोल गर्दै संकटाको अग्रता दोब्बर बनाउनुभयो । खेलको ६१औँ मिनेटमा स्टेफनले व्यक्तिगत दोस्रो गोल गर्दै संकटाका लागि तेस्रो गोल गर्नुभएको थियो ।
७४औँ मिनेटमा हरिले गोल गर्दै एपिएफलाई तीन-एकको स्थितिमा ल्याउनुभयो । खेलको ८६औँ मिनेटमा मेसुकेले व्यक्तिगत दोस्रो गोल गर्दै संकटालाई चार-एकको जित दिलाउनुभयो । अब संकटाले उपाधिका लागि चर्च ब्वाइज युनाइटेड र भुटनिज युथ सकर क्लबबीचको विजेतासँग खेल्नेछ ।
Like
Love
Happy
Surprised
Sad
Excited
Angry
समता शुल्क फिर्ता भएपछि निजी
वडाध्यक्ष सञ्जय पटेल पक्राउ
पूर्व महानिर्देशक प्रदीप अधिकारीविरुद्ध भ्रष्टाचार
गण्डकीमा ट्राफिक कारबाहीबाट डेढ करोडभन्दा
कीर्तिपुरमा कारभित्र जलेर मृत्यु हुने
बिजुलीमा लगाइएको मूल्य अभिवृद्धि कर