प्रकाश न्यौपाने/हिटा
नवलपरासी । पश्चिम नवलपरासीमा रहेको बर्दघाट नगरपालिकाले माघ १ गतेबाट स्रोतमै फोहोर वर्गीकरण गर्ने तयारी गरेको छ । बर्दघाट नगरपालिकाले बिहीबार सरोकारवालाबीच अन्तरक्रिया गर्दै माघ १ गतेबाट स्रोतमै फोहोर वर्गीकरण गर्न लागेको प्रमुख प्रशासकीय अधिकृत कृष्णप्रसाद सापकोटाले जानकारी दिनुभयो । सापकोटाका अनुसार नगरले ३० बुँदे कार्ययोजनाका साथ फोहोरलाई स्रोतदेखि नै वर्गीकरण गर्न लागेको बताउनुभयो ।
कार्यक्रममा नगर प्रमुख शम्भुलाल श्रेष्ठले सबै सरोकारवालाहरूको साथ पाए फोहोरलाई मोहर बनाउन सकिने बताउनुभयो । उहाँले बर्दघाट नगरपालिका फोहोरमुक्त एवं सरसफाइयुक्त नगरका रूपमा विकास गर्न लागिएको बताउनुभयो । नगर उपप्रमुख रुद्रप्रकाश उपाध्यायले आमसरोकारवालाहरूलाई फोहोर व्यवस्थापन अभियानमा लाग्न अपिल गर्नुभयो । उपाध्यायका अनुसार स्रोतमा नै फोहोर वर्गीकरण गर्दा फोहोर व्यवस्थापनसँगसँगै बर्दघाट नगरलाई स्वच्छ, सुन्दर नगर बनाउन सकिने बताउनुभयो ।
कार्यक्रममा पारिजात सामुदायिक वन उपभोक्ता समितिका अध्यक्ष चूडामणि भण्डारी, बर्दघाट खानेपानी तथा सरसफाइ उपभोक्ता संस्थाका उपाध्यक्ष दीपक लम्साललगायत बर्दघाट उद्योग वाणिज्य संघ, बर्दघाट नगरभित्रका बजार विकास समितिहरू तथा बर्दघाट नगरपालिका वडा नम्बर ४ का टोल विकास समितिका पदाधिकारीहरूको उपस्थिति रहेको थियो । कार्यक्रमको सञ्चालन कृष्ण थापाले गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच