-शुभाकर विश्वकर्मा
नेपालगञ्ज । पूर्व प्रधानमन्त्री एवम् नेपाली काँग्रेसका पूर्व पार्टी सभापति स्वर्गीय सुशिल कोइरालाको सातौं स्मृति दिवसमा बृहत रक्तदान कार्यक्रम सम्पन्न भएको छ । नेपाली कांग्रेस बाँकेले आयोजनामा नेपालगञ्जस्थित पार्टी कार्यालयमा बृहत रक्तदान कार्यक्रम सम्पन भएको हो । उत्त, अवसरमा कूल ६५ जनाले रगतदान गरेका छन् ।
कार्यक्रममा बोल्दै पूर्व मन्त्री एवम् काँग्रेस बाँकेका पूर्वपार्टी सभापति गजेन्द्रबहादुर हमालले स्वर्गीय कोइरालाको सादगी जीवनशैली सबैको लागि प्रेरणादायी रहेको बताउनुभयो । कोइरालाले मुलुकको राजनीतिक परिवर्तनमा महत्वपूर्ण भूमिका निर्वाह गरेको हमालको भनाइ थियो । उहाँले संविधान जारी गर्न कोइरालाले लिएको चट्टानी अडान नेपालीहरुले सदैब सम्झिरहने उल्लेख गर्नुभयो । हमालले कोइरालाको स्मृतिमा रक्तदान जस्तो पवित्र मानवीय कार्य गरिनु आफैंमा सतकर्म भएको उल्लेख गरे । उनले रगत दान गर्नु ठूलो धर्म र पूण्य कर्म भएको बताउनुभएको थियो ।
काँग्रेस बाँकेका सभापति नारायणप्रसाद गौडेलले स्वर्गीय कोइरालाले नेपाली राजनीतिमा पु¥याएको योगदान विशिष्ट रहेको चर्चा गर्नुभयो । उहाँले नेपाली राजनीतिको आदर्श व्यक्तित्व भएको बताउनुभयो । गौडेलले कोइराला बाँकेबासीका लागि ‘गौरवपूर्ण व्यक्तित्व’ रहेको बताउँदै उहाँले देखाएको बाटोमा अग्रसर भए कांग्रेसले कहिल्यै हार्नु नपर्ने जिकिर गर्नुभयो । उहाँले काँग्रेस बाँकेले पछिल्लो समय मानवीय तथा सामाजिक कार्यहरु गर्दै आएको उल्लेख गर्दै त्यसकै निरन्तरता स्वरुप कोइरालाको स्मृतिमा रक्तदान कार्यक्रम गरिएको बताउनुभयो ।
रगत अभावमा विरामीहरुले ज्यान गुमाउनु नपरोस् भन्ने उद्देश्य राखेर रक्तदान कार्यक्रमको आयोजना गरिएको गौडेलले जानकारी दिनुभयो । नेपाल रेडक्रस सोसाइटी रक्तसञ्चार केन्द्र नेपालगञ्जका प्रमुख उपेन्द्र रेग्मीसहितको प्राविधिक टोली रक्तदान कार्यक्रममा खटिएको थियो । रक्तदान गर्ने व्यक्तिहरुलाई पार्टीले कदरपत्र प्रदान गरेको थियो । यस्तै रक्तसञ्चार केन्द्रलाई पनि सभापति गौडेलले कदरपत्र प्रदान गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच