काठमाडौं । मूलपानी तेक्वान्दो डोजाङका प्रशान्त धमला र प्रगति कुईंकेलले प्रथम गोकर्णेश्वर नगरपालिका खुला आमन्त्रित मेयर कप तेक्वान्दो प्रतियोगितामा स्वर्ण पदक जित्नुभएको छ । गोकर्णेश्वर नगर तेक्वान्दो विकास समितिको संयोजन, इस्टपोल उच्च माविको व्यवस्थापन र गोकर्णेश्वर नगरपालिका शिक्षा, युवा तथा खेलकुद शाखाको आयोजनामा भइरहेको प्रतियोगिताको पुरुष २८ केजीमुनि फाइनलमा प्रशान्तले नवमञ्जुश्रीका रेवत प्रधानलाई पराजित गर्नुभयो । महिला ३८ केजीमुनि फाइनलमा प्रगतिले बोधी सदनकी सन्ध्या तामाङलाई हराउनुभयो ।
जोरपाटीस्थित इस्टपोलमा भइरहेको प्रतियोगिताको पुरुष २५ केजीमा नवमञ्जुश्रीका सञ्जीव जिरेल तथा ३६ केजीमुनि कोटेश्वरका इमोन राणा पहिलो हुनुभयो ।
महिला ३० केजीमुनि नवमञ्जुश्रीकी सिस्तोला कुईंकेल, ३४ केजीमुनि कोटेश्वरकी सुरक्षा केसी, ४२ केजीमुनि फेरिल्याण्डकी अपेक्षा ढुंगाना, ४६ केजीमुनि गोकर्णेश्वरकी सुमिना तामाङ र ४९ केजीमुनि नवमञ्जुश्रीकी सुष्मा राईले पहिलो स्थान हात पार्नुभयो ।
प्रतियोगिताको संघीय सांसद सन्तोष चालिसेले एक कार्यक्रमबीच उद्घाटन गर्दै गोकर्णेश्वरको खेलकुदको विकासका लागि सक्दो पहल गर्ने प्रतिबद्धता जनाउनुभयो । सो अवसरमा गोकर्णेश्वर नगर तेक्वान्दो विकास समितिका अध्यक्ष सोभितमान गिरीले साहसिक प्रस्तुति गर्ने क्रममा आफ्नो पेटमा १५० केजीको ढुंगा राखी फुटाउन लगाउनुभएको थियो ।
दुईदिने प्रतियोगितामा १९ डोजाङका २७० खेलाडीले विभिन्न १८ स्पर्धामा प्रतिस्पर्धा गरिरहेको आयोजकले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच