हारका बाबजुद पनि बार्सिलोनालाई ट्रफी

८ जेठ २०८०, सोमबार ०४:१८

Read Time = 3 mins

प्रिन्ट संस्करण

खेलकुद

A A- A+

लण्डन । स्पेनिस ला लिगाको च्याम्पियन बनिसकेको क्याटलान क्लब बार्सिलोनाले घरेलु मैदानमा रियल सोसिडाडसँग दुई-एक गोलअन्तरले पराजय भोगेको छ । पराजित भए पनि यसअघि नै च्याम्पियन बनिसकेको बार्सिलोनालाई खेलपछि ट्रफी हस्तान्तरण गरिएको थियो । रियल सोसिडाडको जितमा मिकेल मेरिनो र एलेक्सान्डर सोर्लोथले गोल गर्नुभयो । बार्सिलोनाका रोबर्ट लेवान्डोस्कीले एक गोल फर्काउनुभयो ।

खेलको पाँचौँ मिनेटमा मिकेल मोरिनोको गोलबाट सोडिसाडले अग्रता लियो । ७१औँ मिनेटमा सोर्लाेथले अग्रता दोब्बर पार्नुभयो । त्यसपछि इन्जुरी समयमा लेवान्डोस्कीले फेरान टोरेसको पासमा एक गोल फर्काए पनि त्यसले खेलको नतिजामा कुनै फरक पारेन ।

खेल सकिएलगत्तै यसअघि नै च्याम्पियन बनिसकेको बार्सिलोनालाई ट्रफी प्रदान गरिएको थियो । यस हारसँगै शीर्षस्थानमा रहेको बार्सिलोनाको ३५ खेलबाट ८५ अंक छ । बार्सिलोनाले दोस्रो स्थानको रियल म्याड्रिडलाई १४ अंकले पछि पारेको छ ।

बार्सिलोनालाई हराएको रियल सोसिडाडले शीर्ष चारमा रहँदै अर्काे सिजनको च्याम्पियन्स लिग खेल्ने सम्भावना बनाएको छ । सोसिडाड ३५ खेलबाट ६५ अंक जोडेर चौथो स्थानमा छ ।

यता, इटालियन सिरी एमा फरवार्ड ओलिभर जिरुडको हृयाट्रिक सहयोगमा एसी मिलानले साम्पडोरियामाथि ५-१ को सानदार जित दर्ता ग¥यो । मिलानको जितमा जिरुडले हृयाट्रिक पूरा गर्दा राफयल लियो र ब्राहिम डियाजले समान एक-एक गोल गर्नुभयोे । साम्पडोरियाका फावियो क्वाग्लिएलेराले एक गोल फर्काउनुभयो ।

यस जितसँगै मिलान ३६ खेलबाट ६४ अंक जोडेर पाँचौँ स्थानमा छ । पराजित साम्पडोरिया ३६ खेलबाट १८ अंक जोडेर पुछारमा छ । एजेन्सी ।

च्याम्पियन

प्रतियोगिता

फुटबल

यो खबर पढेर तपाईलाई कस्तो महसुस भयो ?