४१ वर्षमा प्रियंका चोपडा, बलिउडसँगै हलिउडमा सक्रिय

मुम्बई । बलिउडकी चर्चित अभिनेत्री प्रियंका चोपडा मंगलबार ४१ वर्षकी हुनुभएको छ । १८ जुलाई १९८२ मा झारखण्डको जमशेदपुरमा जन्मिनुभएकी प्रियंकाले आफ्नो प्रारम्भिक शिक्षा बरेलीबाट पूरा गर्नुभएको थियो । पछि उहाँले लखनउ र मुम्बईबाट आफ्नो थप अध्ययन पूरा गर्नुभयो । यसैबीच, उहाँ मोडलिङ क्षेत्रमा लाग्नुभयो र मोडलको रूपमा काम गर्न थाल्नुभयो ।

सन् २००० मा प्रियंका चोपडा मिस इण्डिया प्रतियोगितामा सहभागी भई दोस्रो हुनुभयो । पछि उहाँले मिस इण्डिया वल्र्डको उपाधि जित्नुभयो । विश्वभर मिस वल्र्ड प्रतियोगितामा भारतीय सुन्दरीको झण्डा फहराउँदै मिस वल्र्डको उपाधि जित्ने उहाँ रीता फारियापछि पाँचौं भारतीय सुन्दरी बन्नुभयो ।

प्रियंका चोपडाले सन् २००२ मा तमिल चलचित्रबाट आफ्नो सिने करियर सुरु गर्नुभएको थियो । चलचित्रले व्यापारिक सफलता भने हासिल गर्न सकेन तर आफ्नो दमदार अभिनयले समीक्षकको मन जिते । सन् २००३ मा, उहाँले बलिउडमा पनि प्रवेश गर्नुभयो र सनी देओल र प्रीति जिन्टासँग ‘द हिरो लभ स्टोरी अफ द स्पाइ’मा काम गर्नुभयो । यो चलचित्र बक्स अफिसमा सफल सावित भयो र उहाँको अभिनयलाई समीक्षक र दर्शकले प्रशंसा गरे ।

राज कंवरले सन् २००३ मा ‘अन्दाज’ चलचित्र बनाउनुभयो । यो चलचित्र प्रियंका चोपडाको सिने करियरमा अत्यन्त महत्वपूर्ण सावित भयो । चलचित्रमा उहाँको नायकको भूमिका अक्षय कुमार हुनुहुन्थयो । उत्कृष्ट गीत, संगीत, अभिनय र सशक्त पटकथाले यो चलचित्र टिकट विन्डोमा सुपरहिट सावित भयो । प्रियंका चोपडा चलचित्रमा उहाँको सशक्त अभिनयको लागि सर्वश्रेष्ठ सहायक अभिनेत्रीका लागि फिल्मफेयर पुरस्कारका लागि मनोनित हुनुभयो । यससँगै उहाँले डेब्युटेन्ट एक्ट्रेसको लागि फिल्मफेयर अवार्ड पनि प्राप्त गर्नुभयो ।

सन् २००४ मा प्रियंका चोपडाको अर्को सुपरहिट चलचित्र ‘मुझसे शादी करोगी’ रिलिज भएको थियो । डेभिड धवनले निर्देशन गरेको यस चलचित्रमा सलमान खान र अक्षय कुमार जस्ता स्थापित स्टारहरूको उपस्थितिमा पनि उहाँले युवा फेसन डिजाइनरको भूमिकालाई सिल्भर स्क्रिनमा जीवन्त बनाएर चलचित्रलाई सुपरहिट बनाउनुभयो । सन् २००४ मा प्रियंका चोपडालाई चर्चित निर्माता निर्देशक सुभाष घईको चलचित्र ‘ऐतराज’मा कास्ट गरिएको थियो । यो चलचित्र पनि सुपरहिट सावित भयो । यस चलचित्रमा प्रियका चोपडाले सोनिया नामकी युवतीको भूमिका निर्वाह गर्नुभएको थियो, जसले व्यावसायिक रूपमा सफल हुन आफ्नो प्रेमीलाई छोडेर आफूभन्दा धेरै उमेरका पुरुषसँग विवाह गर्न हिचकिचाउँदैनन् ।

ऐतराजमा प्रियंका चोपडाको भूमिकाले ग्रे शेडका लागि भएको थियो । चलचित्रमा उहाँको दमदार अभिनयका लागि उहाँलाई सर्वश्रेष्ठ खलनायकको फिल्मफेयर अवार्डबाट सम्मानित गरिएको थियो । चलचित्र उद्योगको इतिहासमा यो दोस्रोपटक हो जब कुनै अभिनेत्रीलाई उत्कृष्ट खलनायकको फिल्मफेयर अवार्ड दिइएको थियो । यसअघि अभिनेत्री काजोललाई यो अवार्ड चलचित्र ‘गुप्त’का लागि दिइएको थियो ।

सन् २००६ प्रियंका चोपडाको सिने करियरको लागि महत्वपूर्ण वर्ष सावित भयो । यो वर्ष उहाँको फिल्म ‘डन..’ रिलिज भएको थियो । सत्तरीको दशकको सुपरहिट चलचित्र डनको रिमेकमा प्रियंका चोपडाले जीनत अमानको भूमिका निभाउनुभएको थियो । सोही वर्ष उहाँको ‘क्रिस’ जस्ता सुपरहिट चलचित्र पनि रिलिज भएका थिए जसमा उहाँले ऋतिक रोशनको प्रेमीको भूमिका निभाउनुभएको थियो ।

सन् २००८ मा प्रियंका चोपडाको अर्को महत्वपूर्ण चलचित्र ‘फेसन’ रिलिज भएको थियो । फेशनको दुनियाँलाई दर्शकमाझ चिनाउने मधुर भण्डारकरद्वारा निर्देशित, प्रियंका चोपडा उदीयमान मोडलको भूमिकामा देखिनुभएको थियो । उहाँले चलचित्रमा आफ्नो दमदार अभिनयले दर्शकको मन जित्नुभयो र उत्कृष्ट अभिनेत्रीका लागि राष्ट्रिय पुरस्कारका साथै फिल्मफेयर पुरस्कारबाट सम्मानित हुनुभयो ।

सन् २००९ मा रिलिज भएको चलचित्र ‘व्वाट्स योर राशि..’ लाई प्रियंका चोपडाको महत्वपूर्ण चलचित्रमध्ये एक मानिन्छ । हेर्ने हो भने अभिनेता वा अभिनेत्रीका लागि चलचित्रमा डबल वा ट्रिपल भूमिका खेल्नु ठूलो कुरा मानिन्छ तर प्रियंका चोपडाले फिल्ममा एक–दुई होइन १२ वटा फरक–फरक भूमिका खेलेर दर्शकलाई रोमाञ्चित गर्नुभयो ।

प्रियंका चोपडाले आफ्नो दुई दशक लामो सिने करियरमा झण्डै ५० चलचित्रमा अभिनय गरिसक्नुभएको छ । प्रियंकाले हलिउड चलचित्र ‘बेवाच’सहित धेरै चलचित्रमा काम गरिसक्नुभएको छ । सन् २०१८ मा प्रियंका चोपडाले अमेरिकी गायक निक जोनससँग विवाह गर्नुभएको थियो । प्रियंका चोपडाको मालती नामकी छोरी हुनुहुन्छ । चोपडा बलिउडसँगै हलिउड पनि सक्रिय हुनुहुन्छ । एजेन्सी ।