एजेन्सी । हलिउडकी सुपरमोडल जिजी हदिद पक्राउ गरिएको खबर सार्वजनिक भए पछि उहाँ फेरि चर्चामा आइन । पक्राउ गर्दा जिजी आफ्नो साथी लिआ निकोल म्याक्कार्थीसँग केमेन टापु घुम्न जान लागेकी थिइन । केमेन टापुका कस्टम्स एन्ड बोर्डर कन्ट्रोलले यसबारे पुष्टि गरेको हो ।
जिजी हदिदलाई प्रहरीले लागूऔषध राखेको आरोपमा पक्राउ गरेको हो । निजी विमानबाट विमानस्थल पुगेका मोडलको सामान अधिकारीले स्क्यान गर्ने बेला केही नशालु पदार्थ भेटिएको थियो । घटना १० जुलाईको हो । सामान स्क्यान गरेपछि जिजीको सुटकेसको पूर्ण तलासी लिँदा नशालु पदार्थ भेटिएको हो ।
२८ वर्षकी जिजी र २९ वर्षकी लिआहलाई नशालु पदार्थ ओसारपसारको आरोपमा पक्राउ गरिएको थियो । त्यसपछि प्रहरीले उहाँलाई कैदी हिरासत सेन्टरमा पठायो । यद्यपि, पक्राउ परेको केही समय पछि नै उनीहरूले जमानत पाए ।
त्यसपछि जिजी र लिआह दुवैलाई १२ जुलाईमा अदालतमा पेस गरियो जहाँ उनलाई दोषी ठहर गरियो । मोडलमाथि एक हजार डलर जरिवाना तोकियो । जिजीविरुद्ध कुनै आपराधिक रेकर्ड नभएका कारण उनलाई जरिवाना तोकेर रिहा गरियो ।
जिजीले त्यसपछि टापुमा आफ्नो छुट्टी मनाइन् । गिरफ्तारीको खबर सार्वजनिक भएपछि जिजी हदिदले इन्स्टाग्राममा एउटा पोष्ट सेयर गरेर आफ्नो अनुभव साझा गर्दै लेखिन्, ‘अन्त्य राम्रो त सबै राम्रो’ । जिजीले आफ्नो र लिआहका थुप्रै तस्वीर पनि शेयर गरेकी छिन् । जिजी यी तस्वीरमा बिकिनीमा मस्ती गरिरहेको देखिएकी छिन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच