माछा मार्न खोज्ने युवक आफैँ जालमा परे !

६ श्रावण २०८०, शनिबार १६:०१

Read Time = 1 min

डिजिटल संस्करण

प्रदेश समाचार

A A- A+

-रामचन्द्र रायमाझी
पाल्पा । पाल्पामा जाल हानेर माछा मार्न खोज्ने एक युवकले आफै जालमा परेर ज्यान गुमाउनु परेको छ । जिल्लाको रम्भा गाउँपालिका –२, रानीवासका २६ वर्षीय कोपिल पाँडे मगरको माछा मार्न प्रयोग गर्ने जालमा परेर ज्यान गएको हो ।

रानीवास घर भए पनि उहाँ रम्भा –१ छापस्थित दलबहादुर पाण्डेको घरमा आफ्नै आमासँग बस्दै आउनु भएको थियो । पाँडे घर नजिकैको कालिगण्डकी नदीमा माछा मार्न गएका थिए । माछा मार्ने क्रममा आफैँले तयार पारेको जालमा फसी उनी एक्कासी पानीमा डुब्न पुगे ।

पानीमा डुवेर उनको मृत्यु भएको जिल्ला प्रहरी कार्यालयले जनाएको छ । घटनाको प्रारम्भीक अनुसन्धान गरी शवलाई पोष्टमार्टका लागि रामपुर अस्पताल पठाइएको जिल्ला प्रहरी कार्यालयका प्रवक्ता भुपेन्द्र थापाले जानकारी दिनुभयो ।

घटनाको बारेमा थप अनुसन्धान भैरहेको छ ।

मृत्यु

यो खबर पढेर तपाईलाई कस्तो महसुस भयो ?