काठमाडौं । नेकपा एमालेका अध्यक्ष केपी शर्मा ओलीले सत्यको पक्षमा बोल्नेहरुलाई सरकारले सुनिल शर्मा बनाइदिने टिप्पणी गर्नुभएको छ ।
शुक्रबार काठमाडौंमा आयोजित पुस्तक लोकार्पण कार्यक्रममा बोल्दै एमाले अध्यक्ष ओलीले यस्तो टिप्पणी गर्नु भएको हो ।
उहाँले कांग्रेस सांसद सुनिल शर्माले सरकार विरुद्ध बोलेका कारण पक्राउ गरिएको आरोप लगाउनु भयो ।
'के सुनिल शर्माले दुई दिनमै नक्कली सर्टिफिकेट बनाएका हुन् ?' भन्दै उहाँले प्रश्न समेत गर्नुभयाे । उहाँले भन्नुभयो, ‘सुनिल शर्माले अहिले अर्थमन्त्री र गृहमन्त्रीको राजीनामा मागेपछि दुई दिनमा फेक सर्टिफिकेट बनाएको हो ? दुई दिन बोल्नेवित्तिकै हतकडी ? ओलीले प्रश्न गर्नुभयो, ‘सुनिल शर्मा भन्ने मान्छे भागिहाल्छ र ?’
‘सुनिल शर्माको जाली सर्टिफिकेट भएको भए पहिला किन लुकाएको ? किन चुनावमा उम्मेदवार बनाएको ? ’उहाँले प्रश्न गर्नुभयो , होइन भने दुई दिन सरकारको विरोध गर्नेवित्तिकै किन समात्या ? यस्तो कपटपूर्ण खेल किन ? ’ उहाँले भन्नुभयो ।
एमाले अध्यक्ष ओलीले सरकारले एक हातमा हत्कडी र एक हातमा पत्र थमाउँदै आवाज थुन्न खोजेको बताउनुभयो ।
सरकार सुन प्रकरणको विरोध गर्ने सबैको मुख बन्द गर्ने अभियानमा लागेको उहाँले बताउनुभयो । सुन पास गर्नेहरूले नै छानबिन गरेर हुँदैन भनेर आफूहरूले उच्चस्तरीय छानबिनको माग गरिरहेको बताउनुभयो ।
उहाँले भन्नुभयो, ‘अब त एउटा निवेदन कुखुरा चोरेको भनेर निवेदन हाल्दिन्छ, हतकडी लगाएर लान्छ सांसदलाई । दुई महिना, ६ महिनापछि अब बोल्दिनँ बाबा भनेपछि होइन रहेछ भनेर छाड्दिन्छ ।’
अध्यक्ष ओलीले सुन प्रकरणमा आफूहरुले सत्यतथ्य बोल्छ भनेर नै सदनमा सत्ता पक्षले बोल्न नदिएको आरोप समेत लगाउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच