काठमाडौं । भदौ महिनाका लागि वाणिज्य बैंकहरूले निक्षेपको ब्याजदर बढाएका छन् । विभिन्न १४ वाणिज्य बैंकले ब्याजदर बढाएका हुन् । कुमारी, प्रभु, नेपाल एसबिआई, सिद्धार्थ, राष्ट्रिय वाणिज्य, एनआइसी एसिया, लक्ष्मी सनराइज, सानिमा, कृषि विकास बैंक, सिटिजन्स, ग्लोबल आइएमई, एभरेष्ट र नेपाल बैंकले ब्याजदर बढाएका छन् ।
एनएमबी, प्राइम र स्ट्याण्डर्ड चार्टर्ड बैंकले भने ब्याजदर घटाएका छन् । १४ मध्ये नौ वाणिज्य बैंकले मुद्दती र साधारण दुवैको ब्याजदर बढाएका छन् । कृषि विकास, ग्लोबल आइएमई, सिटिजन्स, एभरेष्ट, सानिमा, कुमारी, प्रभु, राष्ट्रिय वाणिज्य र नेपाल बैंकले दुवै दर बढाएका हुन् । नौ बैंकले साउनका लागि मुद्दतीमा ८.९९ प्रतिशतदेखि १०.१ प्रतिशतसम्म ब्याजदर तोकेकोमा भदौका लागि ९.५१ देखि १०.८९६ प्रतिशतसम्म तोकेका छन् ।
नेपाल एसबिआई, नेपाल इन्भेष्टमेन्ट मेगा र माछापुच्छ्रे बैंकले भने साधारण बचतको दरमात्रै वृद्धि गरेका छन् भने नबिल बैंक र हिमालयनले मुद्दती र साधारण बचत दुवैको ब्याजदर यथावत् राखेका छन् । गत महिना केही वाणिज्य बैंकले उच्च ब्याजदर दिँदा एक बैंकबाट अर्को बैंकमा ४३ अर्ब रुपैयाँसम्म स्थानान्तरण भएकाले बैंकहरूले भदौमा ब्याजदर बढाएको बताइएको छ ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच