सर्लाही । सर्लाहीको दक्षिण पुर्वी क्षेत्रमा रहेको पर्सा गाउँपालिका-६ अन्तर्गत पर्ने नेपाल भारत सीमाबाट सशस्त्र प्रहरीले शनिबार राति पेस्तोल र गोलीसहित दुई जनालाई पक्राउ गरेको छ । भारतबाट नेपाल आउदै गरेको भारतीय नम्बरको बीआर १९ जीए ४१४१ नम्बरको मोटरसाइकलमा आएका दुई जना युवाहरूको तलासी लिँदा १ थान अटोमेटिक पेस्ताेल, १ थान कटुवा पेस्तोल र २० राउन्ड गोली बरामद भएको लिइएको सशस्त्र प्रहरी उपरीक्षक तुलबहादुर भण्डारीले जानकारी दिनुभयाे ।
पक्राउ परेका सर्लाहीको हरिपुर्वा नपा-६ खरमार टोल बस्ने जीवन कुमार यादवको साथबाट अटोमेटिक पेस्तोल १ थान र १५ थान गोली र प्रकाश यादवबाट १ थान कटुवा पेस्तोल र ५ थान गोली बरामद भएको भन्डारीले जानकारि दिनु भयो ।
विशेष सूचनाको आधारमा पक्राउ परेका यादवद्वयको साथबाट ७ हजार ४ सय भारतीय रुपैयाँ र नेपाली १६० सहित भारतीय बैंकको एटिएम कार्डसमेत बरामद भएको सशस्त्र प्रहरी उपरीक्षक भण्डारीले बताउनुभयाे ।
हतियारसहित भारत बाट नेपाल प्रवेश गरेका दुवै जनालाई शनिबार राति ८ बजे पक्राउ गरी आवश्यक अनुसंधानको लागि जिल्ला प्रहरी कार्यालयमा बुझाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच