लण्डन । म्यानचेस्टर सिटीका फरवार्ड इर्लिङ हालाण्डले पिएफए वर्ष खेलाडीको अवार्ड पाउनुभएको छ । प्रोफेसनल फुटबलर्स एसोसिएसनले प्रदान गर्ने वर्ष पुरुष खेलाडीको अवार्ड सिटीका फरवार्ड हालाण्डले प्राप्त गर्नुभएको हो ।
यस्तै, युवा वर्ष खेलाडीको अवार्ड भने आर्सनलका बुकायो साकाले प्राप्त गर्नुभयो । नर्वेका फरवार्ड हालाण्डले सबै प्रतियोगितामा गरी सिटीका लागि डेब्यु सिजनमा ५२ गोल गर्नुभएको थियो ।
हालाण्डले सिटीकै सहकर्मी केभिन डी बु्रइन र जोन स्टोन्स, आर्सनलका साका र मार्टिन वडेगार्ड र टोटनहमका तत्कालीन खेलाडी हृयारी केनलाई मनोनयनमा पछि पार्दै अवार्ड जित्नुभएको हो ।
हालाण्डको सानदार प्रदर्शनमा सिटीले गत सिजनमा प्रिमियर लिग, एफए कप र च्याम्पियन्स लिगको उपाधि जितेको थियो ।
सन् २०२२ मा हालाण्ड ५१ मिलियन पाउण्डमा बोरुसिया डर्टमुण्डबाट म्यानचेस्टर सिटीमा अनुबन्धित हुनुभएको थियो ।
वर्ष युवा खेलाडीको अवार्ड जित्नुभएका साकाले गत सिजनमा १४ गोल गर्नुका साथै ११ गोलमा सहायक गोलकर्ताको भूमिका निर्वाह गर्नुभएको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच