काठमाडौं । नेकपा (एमाले) को लुम्बिनी प्रदेश अध्यक्षमा पाल्पाका राधाकृष्ण कँडेल निर्वाचित हुनुभएको छ ।
तीव्र प्रतिस्पर्धाबीच कँडेल दुई मतले निर्वाचित हुनुभएको हो । कँडेलले ४७९ मत ल्याउनुभयो भने प्रतिस्पर्धी प्युठानका हरि रिजालले २७७ मत प्राप्त गर्नुभयो ।
कँडेललाई उपाध्यक्ष विष्णु पौडेल पक्षको समर्थन थियो भने रिजाललाई महासचिव शंकर पोखरेल पक्षको समर्थन थियो ।
पदाधिकारीमा एक उपसचिववाहेक अरु सबै पदमा राधाकृष्ण कंडेलकै प्यानलका उम्मेदवारहरू विजयी भएका छन् ।
सचिवमा लक्ष्मण आचार्यसहित भूगोलतर्फ १२ मध्ये आठ जिल्लाका सदस्य निर्विरोध निर्वाचित भएका छन् । आचार्य पनि कंडेल पक्षका हुनुहुन्छ । भूगोलतर्फ रुपन्देही, गुल्मी, बाँके र दाङ जिल्ला गरी चार जिल्ला, लेखा कमिटी र प्रदेश खुलातर्फ मतदान भएको थियो ।
उपाध्यक्षमा रुपन्देहीका भोजप्रसाद श्रेष्ठ, उपसचिवमा रोल्पाका पूर्ण बुढामगर विजयी हुनुभएको छ । महिला उपसचिवमा लिला राना विजयी हुनुभएको छ । बुढामगर रिजाल प्यानलका हुनुहुन्छ भने बांकी सबै कंडेल प्यानलका हुन ।
यस्तै लेखा समिति अध्यक्षमा दामोदर घिमिरे पनि विजयी हुनुभएको छ । घिमिरे पनि कंडेल प्यानलका हुनुहुन्छ।
प्रदेश अधिवेशन भए पनि यो निर्वाचनलाई एमालेका प्रभावशाली नेताद्वय पौडेल र पोखरेलको शक्ति परीक्षणको रुपमा एमाले भित्र चर्चा भएको थियो ।
१००४ मतदाता रहेको चुनावमा ९६५ मत खसेको थियो । ३९ जना प्रतिनिधि मतदानमा उपस्थित भएनन् ।
शनिवार शुरू प्रदेश अधिवेशनको एमाले अध्यक्ष केपी शर्मा ओलीले उद्घाटन गर्नुभएको थियो। ओलीले सहमतिमा नेतृत्व चयनका लागि दबाव बढाए पनि नेतृत्व चयन मतदान प्रक्रियामा गएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच