पर्वत । सिर्जना र साहित्यका माध्यमबाट पर्यटन पबद्र्धनमा जोड दिने उद्देश्यका साथ अन्तर्राष्ट्रि नेपाली साहित्य समाज (अनेसास) नेपाल च्याप्टरको आयोजनामा दुई दिने ‘पर्वत फलेवास पर्यटकीय संस्कृति एवं काव्ययात्रा’ सम्पन्न भएको छ ।
अनेसास नेपाल चयाप्टरका अध्यक्ष राजेन्द्र केसीको अध्यक्षतामा सम्पन्न कार्यक्रम पर्वतको फलेवासमा रहेको ‘कालीभक्त पन्त स्मृति प्रतिष्ठान’ को संयोजनमा प्रतिष्ठानकै हलमा सम्पन्न भएको हो । दशैँ-तिहार मनाउने सिलसिलामा अमेरिकाबाट नेपाल आउनुभएका अनेसास बोष्टन च्याप्टरका अध्यक्ष महेश्वर पन्तको व्यवस्थापन र संयोजनमा सम्पन्न कार्यक्रमको सञ्चालन मुक्तककार निशा केसीले गर्नुभएको थियो ।
फलेवास नगरपालिकाका नगरप्रमुख गंगाधर तिवारीको प्रमुख आतिथ्यमा सम्पन्न कार्यक्रममा अनेसास केन्द्रका पूर्वअध्यक्ष राधेश्याम लेकाली, वरिष्ठ उपाध्यक्ष सर्वज्ञ वाग्ले, उपाध्यक्ष रेणुका सोलु, केन्द्रीय सदस्य सरिता अर्याल, अनेसास नेपाल च्याप्टरका निवर्तमान अध्यक्ष सन्ध्या पहाडी, फलेवास वडा नं ६ का अध्यक्ष नवीनकुमार श्रेष्ठ, प्रतिष्ठानका संरक्षक गोविन्द पन्त (कालीभक्त पन्तका साहिला छोरा)सहित साहित्यकारहरू दुर्गाबहादुर शाह ‘बाबा’, इन्दिरा ढकाल, सुरेन्द्र अस्तफल, गणेश श्रमण, उदय अधिकारी, सम्पूर्ण किताब नारायणगढका सञ्चालक लेखराम सापकोटा, चितवन साहित्य परिषदका कोषाध्यक्ष पदम अर्याल, सूर्यप्रकाश कंडेल, सरस्वती गौतम, देवेन्द्र केसी ‘देव’, अस्तफल गौतम, सञ्चारकर्मी आरजु विष्ट सल्यानी र आर के अदीप्त गिरी, असफल गौतम, रमेश दाहाल, संगीतकार नरहरि प्रेमी, लोकगायक विमलराज क्षेत्री, गायिका ऋतु कँडेल, दुर्गा अधिकारी, मनिला वन्त, उदय अधिकारी, मदनकुमार थापा, गीतकार प्रकाश सुवेदीलगायत विशिष्ट साहित्यिक व्यक्तित्व तथा स्थानीयहरूको बाक्लो उपस्थिति थियो ।
कवि तथा साहित्यकार महेश्वर पन्तको कविता संग्र्रह ‘उडेका पैताला’को लोकार्पणसमेत भएको सो कार्यक्रमा स्वागत मन्तव्य पनि महेश्वर पन्तले दिनुभएको थियो भने कृति समीक्षा साहित्यकार सुरेन्द्र अस्तफलले गर्नुभएको थियो ।
वरिष्ठ लोक गायक विमलराज क्षेत्री, वरिष्ठ संगीतकार नरहरि प्रेमी, गायिका ऋतु कँडेलको सांगीतिक प्रस्तुतिसमेत रहेको कार्यक्रममा कार्यक्रममा प्रमुख अतिथिसहित अनेसास केन्द्रका पूर्वअध्यक्ष राधेश्याम लेकाली, वरिष्ट उपाध्यक्ष सर्वज्ञ वाग्ले, उपाध्यक्ष रेणुका सोलु, केन्द्रीय सदस्य सरिता अर्याल, अनेसास नेपाल च्याप्टरका निवर्तमान अध्यक्ष सन्ध्या पहाडी, अनेसास नेपाल च्याप्टरका सदस्य दुर्गाबहादुर शाह ‘बाबा’, विक्रमभक्त जोशी, सञ्चारकर्मी आर के अदीप्त गिरी, फलेवास वडा-६ का अध्यक्ष नवीनकुमार श्रेष्ठलगायतले शुभकामना मन्तव्य दिनुभएको थियो ।
शुभकामना दिने क्रममा नगरप्रमुख गंगाधर तिवारीले सर्जक तथा साहित्यकारहरूलाई स्थानीय तहहरूमा ल्याएर कार्यक्रम गर्दा सो ठाउँको बारेमा प्रभावकारी प्रचारप्रसार हुने हुँदा यस्ता कार्यक्रम बेलाबखत ७५३ वटै स्थानीय तहहरूले आफ्नै पहलमा पनि गर्नुपर्ने कुरामा जोड दिँदै आफ्नो कार्यकालमा निरन्तरता दिनेसमेत प्रतिबद्धता जाहेर गर्नुभएको थियो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच