भक्तपुर । तिहार लागेसँगै भक्तपुरमा माटोको पाला बनाउन व्यवसायीहरुलाई भ्याइनभ्याइ छ ।
दशैँ सकिएसँगै तिहारको समय आएपछि भक्तपुरका व्यवसायीहरु प्रजापती समुदायलाई माटाका पाला तथा भाँडा बनाउन भ्याइनभ्याइ भएको हो । उनीहरुले यो वर्षको तिहारमा माटामा पालालगायतका भाँडाहरु मागअनुसार बनाउन नसकेको बताए । अन्य समयमा भन्दा तिहारको समयमा धेरै माग हुने गरेको व्यवसायीहरु बताउँछन् ।
भक्तपुर नगरपालिका-४ का गणेशकुमार प्रजापतीले बजारमा प्लास्टिकका दियोहरु आएकाले माटोका पालाहरुको माग कम भएको बताउनु भयो । व्यवसायी प्रजापतीले माटोको पाला बनाउनसके बजारमा माग धेरै रहेको बताउनु भयो । उहाँले प्लास्टिकका दियोहरु बजारमा आएकाले माटोका पाला व्यवासायमा समस्या भने आएको बताउनु भयो ।
उहाँले माटो अभावका कारण पाला बनाउन समस्या भएको बताउनु भयो । उहाँले विगतमा माटो किन्नु नपर्ने भएपनि अहिले माटो समेत किन्नुपर्ने अवस्था रहेको बताउनु भयो । प्रजापतीले माटो किन्नुपर्ने भएकाले पालालगायतका माटोका भाँडा बनाउने पेशा संकटमा परेको बताउनु भयो ।
उहाँले पाला मात्र नभएर माटोका भाँडा बनाउँदा विशेषगरी माटोको समस्या तथा माटोका भाँडाहरु पोल्न स्थानको अभाव रहेको दुःखेसो गर्नुभयो । उहाँले माटोको पाला ठूलो भारहरु बनाउन नजान्नेहरुले १२ महिना बनाउने तर धेरैले दशैँ सकिने बित्तिकै बनाउन शुरु गर्ने गरेको बताउनु भयो ।
भक्तपुरका प्रजापती समुदायले बनाएको माटोको पाला उपत्यका तथा बाहिर निकै परिचित छ । मौलिक परिचयका कारण उपत्यका बाहिर सिन्धुपाल्चोक, पोखरा, काभ्रे, धरानलगायत विभिन्न जिल्लाबाट समेत भक्तपुरसम्म पाला किन्न आउने गरेका छन् । माटोको पाला लक्ष्मी पूजाको दिन धेरै प्रयोग हुने गर्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच