![अख्तियार दुरुपयोग अनुसन्धान आयोगको ३३औं वार्षिक प्रतिवेदन प्रतिनिधि सभामा पेश](https://ehimalayatimes.com/wp-content/uploads/2024/07/sabhamukh-samsad.jpg)
-राजकुमार कार्की
ओखलढुंगा । घरमा लागेको आगोसँगै जलेर १५ महिने बालक फुर्वा शेर्पाको मृत्यु भएको छ । जिल्लाको मोलुङ्ग गाउँपालिका वडा नं‐६ श्रीचौर स्थित मंसिरेमा आगलागी हुँदा घरमा भएका दुधे बालकको जलेर मृत्यु भएको हो । कर्मा शेर्पाको घरमा बुधबार दिउँसो २ बजेको समयमा आगलागी भएको थियो ।
जेठो छोरा ३ वर्षिय मिङमार शेर्पा र कान्छो छोरा १५ महिने फुर्वा शेर्पालाई घरमा छोडेर बुवा‐आमा दुवैजना गाउँमा आफन्तको घरमा गएका थिए । बुवा‐आमा गाउँबाट फर्किर घरमा आईपुग्दा घर सँगै कान्छो छोरा पनि जलीरहेका थिए । जेठो छोरा भने घरमा आगो लागेपछी भागेर बाँच्न सफल भएका थिए । हिँडडुल गर्न पनि नसक्ने केहि थाहा नपाउने अबोध बालक भने जबरजस्ती जलेर देह त्याग गर्न बाध्य भए ।
स्थानिय बासी, प्रहरी र जनप्रतिनिधीको सहयोगमा आगो नियन्त्रणमा लिएका थिए । ढुङ्गामाटोको ढुङ्गाकै छानो भएको घरमा लागेको आगो करिब साँढे २ घण्टा पछिमात्र नियन्त्रण गर्न सफल भएका थिए । आगो निभाउन त सफल भए तर घरमा सुतिरहेका दुधेबालकलाई भने बचाँउन सकेनन् ! आगो नियन्त्रणमा लिएको धेरै समय, करिब ४ घण्टापछी साँझ ८ः३० बजेको समयमा बच्चाको अस्तुमात्र फेला पारेका थिए । माथील्लो तलामा जाने सिँढीको मुनी पूर्णरुपमा जलेको अवस्थामा करिब १ केजी जति मासुको डल्ला फेला पारेका थिए ।
उक्त पूर्णरुपमा जलेको मासुको डल्ला बालकको हो वा अन्य कुनै जनावरको हो भन्ने चिन्न सकिने अवस्थामा थिएन । पोष्टमार्टमका लागि आवश्यक कानुनी प्रकृया पुरा गरी राती नै जिल्ला अस्पताल रुम्जाटारमा पठाईएको थियो । पोष्टमार्टम पछी २३ गते बिहिबार बिहान आफन्तले बुझेका छन् ।
आगोलागीबाट ढुङ्गामाटोेले बनेको ढुङ्गाकै छानो भएको दुई तले घर जलेर नष्ट भएको छ । घरभित्र भएका लत्ताकपडा, अन्नपात, भाँडवर्तन, काठपात लगायतका घरायसी सामग्रीहरु नष्ट हुँदा करिब १५ लाख बराबरको सम्पती पनि क्षति भएको जिल्ला प्रहरी कार्यालय ओखलढुंगाले जनाएको छ ।
बच्चाले आगो बाल्ने लाईटर खेलाउने क्रममा अचानक कुनै सुकेको चिजबाट आगलागी भएको हुनसक्ने अनुमान गरिएको छ । आगलागी भएको खबर पाउन साथ ईलाका प्रहरी कार्यालय बरुणेश्वर रामपुरबाट प्रहरी निरिक्षकको टोली र प्रहरी चौकी श्रीचौरबाट पनि प्रहरी घटनास्थलमा पुगेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच