काठमाडौं । यही मंसिर २९ गतेदेखि देशभरका सिनेमाघरमा आउने तयारीमा रहेको चलचित्र ‘दुई कदम’को एक गीत ‘ये मेरा बाबै नि’को काठमाडौंमा छायांकन गरिएको छ । राजधानीको ठमेलस्थित १० एक्स क्लबमा दुई दिनयता गीतको छायांकन गरिएको हो । गीतमा आशिष अबिरल र निरुषा भट्टराईको स्वर, निरुषाको शब्द र आशिषको संगीत छ । गीतमा आशिषकै एरेन्ज तथा मिक्सिङ र मास्टरिङ छ ।
गीतमा चलचित्रका कलाकार इओन लिम्बू र अभिनेत्री वर्षा शिवाकोटीलाई फिचर्ड गरिएको छ । चलचित्रमा यही गीतमा मात्र वर्षा देखिनुहुनेछ । कविराज गहतराजको कोरियोग्राफी रहेको गीतको भिडियोलाई सौरभ लामाले छायांकन गर्नुभएको हो । उदय सुब्बा निर्देशित यो चलचित्रमा सुनिल थापा, कविता आले, सिमोन गिरी सुरवीर पण्डित, प्रेम सुब्बा, गौरव पहारी, बुद्धि तामाङ, अर्जुन गुरुङ, विमला लिम्बू, जीवन लिम्बू, चन्दा दाहाल, प्रीतिका शर्मालगायत कलाकारको अभिनय छ ।
अजम्बरी फिल्मस्को व्यानरमा निर्माण भएको चलचित्रमा तारादेवी लिम्बूको लगानी छ । दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बू र विकास चौधरीको संगीत, डिपी खनालको गीत लेखन, राजु किरातीको द्वन्द्व निर्देशन, रामजी लामिछानेको कोरियोग्राफी र प्रवीन ढकालको सम्पादन फिल्ममा छ । फिल्मलाई ऋच इन्टरटेनमेन्ट र एफडी कम्पनीले वितरण गर्दैछन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच