![नेताका लागि प्रसाईंको अभियान गलत, नागरिकका लागि ठीक](https://ehimalayatimes.com/wp-content/uploads/2023/11/Keshav-Acharya-1.jpg)
काठमाडौं । साहित्यकार एवं प्रशासनविद् डा.गोविन्दप्रसाद कुसुमको ऐतिहासिक विषयवस्तुमा आधारित उपन्यास ‘भृकुटी’ लोकार्पण गरिएको छ । ‘हरित तारा’ले चिनिने सातौं शताब्दीकी नेपाली राजकुमारी भृकुटीको जीवनगाथा र त्यससमयको परिवेशमा लेखिएको उपन्यास भृकुटी लोकार्पण गरिएको हो ।
पुस्तक सार्वजनिक कार्यक्रममा आफ्नो पाठकीय अनुभव राख्दै कानुनविद् प्रा.डा.युवराज संग्रौलाले इतिहासबारे सोधखोज गरेर लेखिने यस्ता आख्यानले इतिहासबारे थप अध्ययन गर्ने र खोजी गर्ने बाटो खोलिदिएको बताउनुभयो । उहाँले भन्नुभयो, ‘भृकुटीले तिब्बतमा नेपाली पहिचान स्थापित गर्न पुर्याएको योगदान हाम्रो इतिहासले बताउँदैन । तर, यो उपन्यासले त्यो तथ्य खोजी गर्ने कोसिस गरेको छ ।’ उहाँले यो उपन्यासलाई विश्वविद्यालयमा नेपाली साहित्यका विद्यार्थीका लागि पढाइनुपर्ने समेत धारणा राख्नुभयो ।
यस्तै, युवा साहित्यकार समृद्धि अर्यालले उपन्यासमार्फत आजभन्दा १४ सय वर्षअगाडि राजकुमारी भृकुटीले समाज सुधारका लागि गरेको पहलबाट आजको समाजले समेत शिक्षा लिन सक्ने जिकिर गर्नुभयो ।
लेखक डा.कुसुमले आफ्नो कृति पढ्दा उपन्यास र बुझ्दा इतिहासका रूपमा लिन सकिने बताउनुभयो । उहाँले भन्नुभयो, ‘अंशुवर्माको काल स्वर्णकाल मानिन्छ, तर त्यो स्वर्णकाललाई स्वर्ण बनाउन भृकुटीले पुर्याएको योगदान हाम्रो इतिहासमा पाइँदैन । यो उपन्यासमार्फत त्यसैको खोजी होस् भन्ने मेरो आग्रह हो ।’ पुस्तक सांग्रिला बुक्सले प्रकाशन गरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच