काठमाडौं । राजेशपायल राईको नयाँ गीत ‘दर्शन नमस्ते सायरेम’ सार्वजनिक भएको छ । बिर्ख गुरुङको शब्द रचना र निरज लामाको संगीत तथा एरेञ्ज रहेको गीतको भिडियो सार्वजनिक भएको हो ।
युवराज वाइबाले निर्देशन गरेको गीतको भिडियोमा ‘राई इज किङ’का रुपमा चर्चित मेघास्टार राजेशपायल आफैँले अभिनय गर्नुभएको छ । उहाँसँगै भिडियोमा सन्ध्या स्याङ्तानले अनस्क्रिन रोमान्स गर्नुभएको छ । भिडियोमा एक युगल जोडीको प्रेमकथालाई सुन्दर ढंगले प्रस्तुत गरिएको छ ।
ए वान म्युजिसियनमा रेकर्ड गरेको गीतको भिडियोमा निश्चल पौडेलको छायांकन छ भने सम्पादन विकास दाहालको गर्नुभएको हो ।
राजेशपायल राई केही दिनअघि मात्र अमेरिकाको सांगीतिक टुर छोट्याएर नेपाल आउनुभएको हो ।
सांगीतिक रियालिटी शो ‘द भ्वाइस अफ नेपाल’को कोच रहेकाले कार्यक्रम छोट्याएर नेपाल आएको राजेशपायलले बताउनुभयो । नेपाल आएको केही दिनमै आफ्नो नयाँ भिडियो सार्वजनिक गर्नुभएका राजेशपायल यो मंसिर महिनाभर पूर्वी नेपालको सहरहरूमा कन्सर्टमा व्यस्त हुनुहुनेछ ।
यही मंसिर १९ गते उदयपुरको बसाहा, २० गते लक्ष्मीमार्ग बेलबारी मोरङ, २२ गते पाँचथरको फिदिम र मंसिर २४ गते भोजपुरको दिङ्लामा उहाँको कन्सर्ट हुँदै छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच