काठमाडौं । पोखरा थन्डर्सले सोमबार डिफेन्डिङ च्याम्पियन काठमाडौं रेजर्ससँग अग्रता जोगाउन नसक्दा २-१ को हार बेहोर्दै जारी नेपाल सुपर लिग(एनएसएल) को शीर्ष स्थानमा उक्लिने अवसर गुमाएको छ । दशरथ रंगशालामा अन्तिम १० मिनेटमा काठमाडौंले दुई गोल फर्काउँदै पोखरा थन्डर्सको शीर्ष स्थानमा पुग्ने लक्ष्यलाई पूरा हुन दिएन । यो जितसँगै काठमाडौं पाँच खेलबाट आठ अंक बटुल्दै चौथो स्थानमा उक्लिएको हो ।
काठमाडौंले दुई जित र दुई बराबरीका साथै एक हार सामना गरेको छ । यता, जिततर्फ उन्मुख पोखराले अन्तिम समयमा दुई गोल बेहोरेपछि शीर्ष स्थानमा पुग्ने अवसर गुमायो । पोखराले पाँच खेलबाट समान दुई जित र बराबरीका साथै एक हार सामना गरेको छ । पोखराको समान आठ अंक भए पनि गोलअन्तरमा काठमाडौंसँग पछि पर्दै चौथो स्थानमा खुम्चियो ।
खेलको पहिलो गोलको अवसर १४औँ मिनेटमा सिर्जना भयो । पोखराका मोसेस ग्याबा तुमको सट काठमाडौंका कप्तान तथा डिफेन्डर अञ्जन राईको खुट्टामा डिफ्लेक्ट भएर दोस्रो बार नजिकैबाट बाहिरिन पुग्यो । चार मिनेटपछि नै मोसेसको लामो प्रहार सफल हुन सकेन ।
काठमाडौंले पहिलो अवसर सिर्जना गर्न २९औँ मिनेटसम्म कुर्नुपर्यो । सोखरुखले करिब २५ यार्डबाट गरेको फ्रिकिक पोखराका गोलकिपर एभेस प्रिसोले उत्कृष्ट बचाउ गर्नुभयोे । पोखराका मोसेसले ३४औँ मिनेटमा गोलकिपर एञ्जल श्रेष्ठलाई पार गराएको बल काठमाडौंका डिफेन्डर आन्द्रेस नियाले क्लियर गरिदिनुभयो ।
लगत्तै कर्नर प्रहारमा मोसेसले हेड गोल गरे पनि राजीव लोप्चनले गोल लाइनबाट क्लियर गर्नुभयो । ३७औँ मिनेटमा मोसेसको अर्को हेडर पनि माथिल्लो बारमा लागेर बाहिरिँदा पोखरा पुनः अभागी साबित भयो । काठमाडौंले ४५औँ मिनेटमा सहज अवसर खेर फाल्यो । केङ्ग्यु ओलिभर १० यार्डबाट फ्रि-हेडर गोल गर्न असफल रहनुभयो । त्यससँगै पहिलो हाफको खेल गोलरहित बराबरीमा रहृयो ।
पोखराले खेलको ५८औँ मिनेटमा आयुष घलानको गोलबाट अग्रता लियो । स्टफेन पापाको ‘लङ रेन्ज सट’ काठमाडौंका गोलकिपर एञ्जल श्रेष्ठले राम्रो नियन्त्रणमा लिन नसक्दा आयुषले नजिकैबाट गोल गर्नुभएको हो । काठमाडौंका लागि एनकेङ्ग्यु जुनियरको हेडर दोस्रो बारमा ठोक्किएर बाहिरिन पुग्यो । ७२औँ मिनेटमा पोखराका मोसेसले गोल गर्ने सहज अवसर खेर फाल्नुभयो । काउण्टर अट्याकमा आयुषले दिएको पेनाल्टी क्षेत्रमा अनमार्क रहनुभएका मोसेसलाई पास दिए पनि उहाँले सदुपयोग गर्न सक्नुभएन । मोसेसले ७७औँ मिनेटमा पनि गोल गर्ने अवसर खेर फाल्नुभयो ।
८२औँ मिनेटमा मोसेसको अर्को प्रहार गोललाइनबाट पोखराका डिफेन्डर आन्द्रेसले क्लियर गर्दै टोलीको थप संकट टार्नुभयो । तर, त्यसको एक मिनेटपछि नै पोखराले गोल फर्कायो । पोखरा थन्डर्सका डिफेन्डर सतर्क नरहँदा काठमाडौंका एनकेङग्युले गोल गर्दै खेल बराबरीमा ल्याउनुभयो । करिब १८ यार्डमा पोखराका चार डिफेन्डर रहे पनि उहाँको सहजरूपमा लेफ्ट फुटेट प्रहार गोलमा परिणत भयो । इन्जुरी समयको पहिलो मिनेटमा पेम्बा लामाको पेनाल्टी क्षेत्र बाहिरबाट गरेको प्रहार पोखराका गोलकिपर प्रिसोका लागि खासै चुनौती बनेन ।
९३औँ मिनेटमा काठमाडौंले काउन्टर अट्याकमा अर्को गोल फर्कायो । तोजिडिनोभ कोमिवनको लामो पास नियन्त्रणमा लिँदै सोखरुख एमले पोखराका गोलकिपर प्रिसो अगाडि बढेको अवस्थामा खाली पोस्टमा गोल गर्नुभयो । यससँगै अन्तिम १० मिनेटमा खेलले नाटकीय मोड लिँदा दबाबमा रहेको काठमाडौंले पोखरामाथि रोमाञ्चक जित निकाल्यो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच