काठमाडौं । चालु आर्थिक वर्षको मौद्रिक नीतिको पहिलो समीक्षासँगै निरन्तर बढ्दो क्रममा रहेको सेयर बजार मंगलबार पनि ४५.९८ अंकले बढेको छ । बैंकिङ समूह २९.८९ अंकले बढेको छ भने होटल र पर्यटन समूह सबैभन्दा धेरै ३९५.१८ अंकले बढेको छ । जीवन बिमा कम्पनी ३५०.५५, उत्पादन २५३.६६, निर्जीवन बिमा २२८.०६ अंकले बढेको छ भने लघुवित्त समूह ५८.७२, विकास बैंक ५७.४७, व्यापार २९.३०, जलविद्युत् १८.९७, अन्य १४.२८ र वित्त समूह ७.८२ अंकले बढेको छ । यस दिन झण्डै छ अर्ब अर्थात् पाँच अर्ब ९८ करोड ४६ लाख ९९ हजार रुपैयाँ बराबरको कारोबार भएको हो । तर, सोमबारको तुलनामा कारोबार रकम भने ८८ करोडले घटेको छ । सोमबार छ अर्ब ८६ करोडको कारोबार भएको थियो ।
सामूहिक लगानी कोषसहित ७७ कम्पनीको सेयर मूल्य घटेको बजारमा दुई सय १३ कम्पनीको सेयर मूल्य बढेको छ । बोटलर्स नेपाल बालाजुको सेयर मूल्य निरन्तर १० प्रतिशतले बढिरहेकोमा मंगलबार पनि बढेको छ । मेरो माइक्रोफाइनान्स, उन्नति सहकार्य लघुवित्त, शिवम् सिमेन्ट्स, नेपाल रिपब्लिक मिडियालगायतको सेयर मूल्य १० प्रतिशतले बढेको छ । घोराही सिमेन्ट, हाथवे इन्भेष्टमेन्ट, मिड सोलु हाइड्रोपावर र सोना मिनिरल्स एण्ड आयलको सेयर सकारात्मक सर्किट लेभलमा कारोबार भएको छ भने विपिडब्लु लघुवित्तको सेयर ९.९९ प्रतिशतले बढेको छ ।
सामूहिक लगानी कोषबाहेक कारोबारमा आएका कुल दुई सय ४३ कम्पनीमध्ये एक सय ८३ कम्पनीको सेयर मूल्य बढेको छ भने ५३ कम्पनीको मूल्य घटेको छ । सातवटा कम्पनीको सेयर मूल्य स्थिर रहेको छ । तर, सिद्धार्थ इन्भेष्टमेन्ट ग्रोथ स्किम-२ को इकाई मूल्य सर्वाधिक ७.२६, माथिल्लो मैलुङ खोला जलविद्युत्को ४.९०, ८.५ प्रभु बैंक डिबेन्चर २०८७ को ३.८३ प्रतिशत, ८.५ प्रतिशत सानिमा डिबेन्चर २०८७ को ३.७८ प्रतिशत र पिपुल्स पावरको ३.१९ प्रतिशतले सेयर मूल्य घटेको छ । कारोबार रकमका आधारमा शीर्षस्थानमा रहेको शिवम् सिमेन्ट्सको ३७ करोड ४३ लाख बराबरको सेयर कारोबार भएको छ भने सोल्टी होटल २८ करोड ७३ लाख, सोनापुर मिनिरल्स एण्ड आयल १६ करोड ७१ लाख, हाथवे इन्भेष्टमेन्ट १४ करोड २९ लाख र घोराही सिमेन्टको १३ करोड ३० लाखभन्दा बढीको सेयर कारोबार भएको नेपाल स्टक एक्सचेन्ज(नेप्से)ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच