काठमाडौं । अख्तियार दुरुपयोग अनुसन्धान आयोगले भ्रष्टाचार गरेको अभियोगमा आज धनुषाको शहीदनगर नगरपालिकाका प्रमुख प्रशासकीय अधिकृतसहित चार जनाविरुद्ध अदालतमा मुद्दा दायर गरेको छ ।
अख्तियारले धनुषा हँसपुर नगरपालिका वडा नं १ भगवानपट्टीमा रहेको किनं ३३० को सार्वजनिक पोखरी ठेक्का लगाउँदा भ्रष्टाचार गरेको ठहर गरेको छ ।
आयोगले हंसपुर नगरपालिकामा तत्कालीन प्रमुख प्रशासकीय अधिकृतको जिम्मेवारीमा रहेका केशवकुमार अधिकारीसहित हंसपुरकै वडा नम्बर १ का तत्कालीन अध्यक्ष कामेश्वर कापर तथा ठेकेदार मदनकुमार झा र नवीनकुमार चौधरीविरुद्ध भ्रष्टाचार गरेको अभियोगमा विशेष अदालत काठमाडौंमा मुद्दा दायर गरेको हो ।
तत्कालीन प्रमुख प्रशासकीय अधिकृत हुँदा कार्यपालिकाको बैठकको निर्णयमा नभएको नगरेको कुरा देखाइ सरकारी कागज सच्याउने कार्य गरी सोही सच्याइएको सरकारी कागजलाई सक्कल हो भनेर प्रमाणित गरेर गलत लिखत तयार गरेको भन्दै उनीविरुद्ध कैद र जरिवानाको माग दाबीसहित मुद्दा दायर भएको आयोगका प्रवक्ता नरहरि घिमिरेले जानकारी दिनुभएको छ ।
हंसपुर नगरपालिका वडा नम्बर १ का तत्कालीन अध्यक्ष कापरले वडा १ स्थित कित्ता नं ३३० को सार्वजनिक पोखरी ठेक्काबापत आफूले बुझी लिएको दोस्रो वर्षको किस्ता पाँच लाख ५५ हजार राजस्व रकम राजस्वमा दाखिला गर्नुपर्नेमा दाखिला नगरेर हंसपुरलाई हानीनोक्सानी र हिनामिना गरेको अख्तियारले जनाएको छ ।
कापरलाई पाँच लाख ५५ हजार रुपैयाँ विगो दाबी कायम गरेर कैद सजाय गरी बिगोअनुसार जरिवाना गर्न र हानिनोक्सानी भएको बिगो कापरबाटै असुल गर्न भनिएको छ ।
साथै नियमित किस्ता हंसपुर नगरपालिकामा दाखिला नगरेको अवस्थामा समेत निरन्तर किस्ता दिएको भन्दै कापरले वडा नम्बर १ को लेटर प्याडको दुरुपयोग गरी नियमित किस्ता दाखिला गरेर गलत लिखत तयार गरी कसुर गरेको पुष्टि भएको भन्दै त्यसैअनुसारको सजायसमेत माग गरिएको छ ।
उक्त मुद्दामै ठेकेदार मदनकुमार झा र नवीनकुमार चौधरीले कित्ता नं ३३० को सार्वजनिक पोखरी ठेक्कावापत दोस्रो वर्षको किस्ता पाँच लाख ५५ हजार राजस्व रकम दाखिला गर्नुपर्नेमा नगरेर हंसपुर नगरपालिकालाई हानिनोक्सानी गरेको भन्दै दुबै जनालाई पाँच लाख ५५ हजार कायम गरेर सजाय गरी विगोसमेत जफत गर्न माग दाबी गरिएको छ । वडा नम्बर १ भगवानपट्टीमा रहेको कित्ता नम्बर ३३० को सार्वजनिक पोखरीलाई वडा अध्यक्षले ठेक्का लगाउँदा भ्रष्टाचार गरेको भन्ने उजुरी परेपछि आयोगले अनुसन्धान प्रक्रिया अघि बढाएको जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच