![प्रधानमन्त्रीसँग बालकुमारी घटनाका पीडित परिवारको भेट, दोषीलाई कारबाही गर्ने प्रतिबद्धता](https://ehimalayatimes.com/wp-content/uploads/2023/12/pm-and-pidit-abhibhabak.jpg)
काठमाडौं । चौथो वरीयताका जयराम श्रेष्ठलाई हराउँदै डिफेन्डिङ च्याम्पियन दिनेश प्रजापती सूर्य नेपाल गल्फ टुर २०२३-२४ अन्तर्गत सिजनको दोस्रो प्रतियोगिता सूर्य नेपाल एनपिजिए म्याच प्लेको उपाधि जित्न सफल हुनुभएको छ । रोयल नेपाल गल्फ क्लबमा भएको ३६ होलको फाइनलमा जयराम श्रेष्ठलाई ६-४ ले हराउँदै दिनेश उपाधि रक्षा गर्न सफल हुनुभएको हो । यो सिजन सानदार सुरूवात गर्नुभएका दिनेशको करियरको यो दोस्रो उपाधि हो ।
अनुभवी चौथो वरीयताका जयराम र तेस्रो वरीयताका दिनेशबीच १८ होलसम्म कडा प्रतिस्पर्धा चलेको थियो । नवौँ होलको समाप्तिमा जयराम एक होलले अगाडि हुनुहुन्थ्यो । तर, १८ होलको समाप्तिमा दिनेशले खेललाई बराबरीमा पु¥याउनुभयो । यसपछि भने दिनेश खेलमा हाबी बन्नुभयो । १९औँ होलमा करिब ३० यार्डबाट दिनेशले बर्डी प्रहार गर्दै एक होलको अग्रता बनाउनुभयो । २३औँ होलमा जयरामले पार जोगाउन सक्नुभएन भने दिनेशले पारमा नै यो होल जितेर दुई होलको अग्रता बनाउनुभयो । खेलमा फर्कन जयरामलाई जित जरूरी थियो । तर, यसपछि २४ देखि २७ होल बराबरीमा सकियो ।
२८औँ होलमा पार खेल्दै तीन होलको आरामदायी अग्रता दिनेशले बनाउनुभयो । दबाबमा पर्नुभएका जयराम खेलमा फर्कन सक्नुभएन भने ३१औँ होल पनि दिनेशले नै जित्दा पाँच होलको अग्रता बनाउनुभयो । यसपछि ३२औँ होलमा खराब टी सट हानेसँगै जयरामले हार आत्मसात गर्दा दिनेशले चार होल अघि नै उपाधि आफ्नो नाममा लेखाउनुभयो ।
दिनेशले पहिलो चरणमा तोरणविक्रम शाही, क्वाटरफाइनलमा रवि खड्का र सेमिफाइनलमा रामे मगरलाई हराउनुभएको थियो । उपाधिसँगै दिनेशले नगद ६० हजार प्राप्त गर्नुभएको छ । दोस्रो हुनुभएका जयरामले ४२ हजार हात पार्नुभयो । दिनेशले सिजनको पहिलो प्रतियोगिता सूर्य नेपाल सेन्ट्रल ओपनमा प्रोफेसनलतर्फ पहिलो स्थान प्राप्त गर्नुभएको थियो । जारी टुरमा दुईमध्ये दुवै प्रतियोगितामा सानदार प्रदर्शन गर्दै सिजनको सुरूवात उत्कृष्ट गर्नुभएको छ ।
सातौँ वरीयताका रामे मगरले तेस्रो स्थान प्राप्त गर्नुभयो । उहाँले १८ होलको प्रतिस्पर्धामा नवौँ वरीयताका भुवनकुमार रोक्कालाई १८औँ होलमा हराउनुभयो । रामेले ३२ हजार र भुवनले २४ हजार पुरस्कार हात पार्नुभयो ।
कुल दुई लाख ५० हजार नगद पुरस्कार राशिको प्रतियोगितामा पहिलो चरणमा पराजित हुने आठ खेलाडीहरूले जनही ६-६ हजार प्राप्त गरे । क्वाटरफाइनलमा पराजित चार खेलाडीले जनही ११ हजार प्राप्त गरे ।
विजयी खेलाडीहरूलाई सूर्य नेपाल प्रालिका मार्केटिङ म्यानेजर केशव प्रधान, एनपिजिएका अध्यक्ष रविन्द्रमान श्रेष्ठ, आरएनजिसीका अध्यक्ष मधुकर याक्थुम्बा, आरएनजिसीका क्याप्टेन मिथुन राई र आरएनजिसीका कोषाध्यक्ष रोशन श्रेष्ठले पुरस्कार वितरण गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच