काठमाडौं । चिज उद्योगीले भारतीय चिजका कारण नेपाली चिज उद्योग संकटमा परेको गुनासो गरेका छन् । पछिल्लो समय सरकारले कच्चा दुधको मूल्य बढाउने निर्णय गरेसँगै चिजको मूल्य पनि बढेको र मूल्य बढेपछि सस्तोमा भारतीय चिज भित्रिन थालेकाले नेपाली चिज बिक्री हुन नसकेको भन्दै हिमालय चिज उत्पादक संघले सरकारको ध्यानाकर्षण गराएको हो ।
संघका अध्यक्ष रिञ्जी फूर्वा शेर्पाले मुलुक भारतबाट विभिन्न ब्राण्डका चिज नेपाली बजारमा निर्वाधरूपमा भित्रिएर बिक्री भइरहेको र स्वदेशील महँगो भएका कारण प्रतिस्पर्धा गर्न नसकिएको बताउनुभएको छ । संघका अध्यक्ष शेर्पाद्वारा जारी प्रेस विज्ञप्तिमा भनिएको छ, ‘पछिल्लो समय बिक्री नहुँदा कराडौंको चिज स्टक रहेको छ । थप चिज उत्पादन गर्न नसकेर उद्योग नै बन्द गर्नुपर्ने अवस्था सिर्जना भएको छ । यसको प्रत्यक्ष प्रभाव किसानसम्म परेको छ । आत्मनिर्भर तथा स्वदेशी उद्योगका रूपमा स्थापित चिज उद्योग संरक्षण गर्न र यसलाई बचाउन तत्काल कदम चाल्न सरकारलाई आग्रह गर्दछौं ।’
स्वदेशी चिज उद्योग संरक्षणका लागि गैरकानुनीरूपमा आयात भइरहेको चिजलाई तत्काल नियन्त्रण गर्न, भन्सार कर बढाएर आयात निरुत्साहन गर्न तथा नेपाली चिज उद्योगीलाई अनुदानको व्यवस्था गर्न र दूधको लागत मूल्य घटाउनेतर्फ पहल गर्न संघले माग गरेको छ । नेपाली चिजको अन्तर्राष्ट्रिय बजारमासमेत माग भइरहेको भन्दै निर्यात सहजीकरणका लागि संघले कृषि तथा पशुपक्षी विकासमन्त्री डा.वेदुराम भुसालको ध्यानाकर्षण गराएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच