![निरौलाको बाल कवितासंग्रह ‘यात्रामा देश’ लोकार्पण](https://ehimalayatimes.com/wp-content/uploads/2024/01/Nirula-ko-kirti-lokarpan.jpg)
विराटनगर । उद्योग र शैक्षिक क्षेत्रबीचको अन्तरसंवादका माध्यमबाट सम्बन्ध अभिवृद्धि गर्ने उद्देश्यका साथ नेपालको दिगो एवं आत्मनिर्भर आर्थिक विकास विषयमा व्याख्यात्मक कार्यक्रम आयोजना गरिएको छ । उद्योग संगठन मोरङ र अमेरिकन कर्नर विराटनगरले संयुक्तरूपमा आयोजना गरेको प्रतियोगितामा विराटनगरका विभिन्न उच्च माध्यमिक विद्यालयको सहभागिता थियो ।
कार्यक्रममा सहभागी विद्यार्थीले दिगो र आत्मनिर्भर आर्थिक विकासका लागि सरकार, निजी क्षेत्र र आमनागरिकको एकीकृत दृष्टिकोण आवश्यकता रहेको बताए । मुलुकको आर्थिक एवं औद्योगिक समृद्धिका लागि सबै पक्षबीचको सहकार्यमा उनीहरूको जोड थियो । सहभागी विद्यार्थीले आर्थिक विकास र नयाँ रोजगारी सिर्जनामा उद्योग व्यवसायको महत्वपूर्ण भूमिका हुने भएकाले सरकारले लगानीमैत्री नीति निर्माण गरी कार्यान्वयनमा जोड दिनुपर्ने बताएका थिए । नेपालको दिगो आर्थिक विकासमा महत्वपूर्ण भूमिका निर्वाह गर्ने जलस्रोत, पर्यटन, कृषि, सूचना प्रविधि, उत्पादनमूलक उद्योग, खनिजजन्य उद्योगको विकासका प्रचुर सम्भावना भएकाले नीतिगत सुधार गरी उक्त क्षेत्रमा लगानी अनुकूल वातावरण निर्माण गरे छिट्टै आर्थिक समृद्धि प्राप्त हुने उनीहरूको भनाइ थियो ।
संगठनका अध्यक्ष राकेश सुरानाले उद्योग र शैक्षिक क्षेत्रबीचको निरन्तर संवादले आर्थिक विकासको नयाँ क्षेत्र र सम्भावना पहिल्याउन सहज हुने विश्वास व्यक्त गर्दै सहभागी विद्यार्थीलाई देशमै स्वरोजगार भई रोजगारीका नयाँ अवसर सिर्जना गर्ने क्षमता विकास गर्न सुझाव दिनुभयो । युवा पुस्ताले नयाँ सोच र अवधारणासाथ प्रारम्भ गरेको स्टार्टअपले विश्व आर्थिक मञ्चमा महत्वपूर्ण भूमिका निर्वाह गरिरहेको उल्लेख गर्दै उहाँले सोहीअनुरूपको नयाँ सोचका साथ स्वदेशमै उद्योग व्यवसायका क्षेत्रमा युवाहरू आउनुपर्ने बताउनुभयो ।
प्रत्येक सहभागीलाई दिगो र आत्मनिर्भर आर्थिक विकासको सम्भावना विषयमा व्याख्या गर्न आठ मिनेट समय दिइएको थियो । कार्यक्रममा बालकल्याण विद्या मन्दिरकी स्वीकृति अधिकारी प्रथम, आदर्श उच्च माविका सुजन खत्री दोस्रो र सत्यनारायण उच्च माविकी शिवानी राउत तेस्रो भएका थिए । प्रथम, दोस्रो र तेस्रो हुन सफल विद्यार्थीलाई नगद रकमसहित मेडल र प्रमाणपत्र प्रदान गरिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच