नवलपरासी । अख्तियार दुरुपयोग अनुसन्धान आयोग बुटवलमा पश्चिम् नवलपरासीमा रहेका ७ वटै स्थानीय तहका उजुरी पर्ने गरेका छन् । आर्थिक बर्ष ०८०–८१ मा सात वटै स्थानीय तहका १ सय ५ वटा उजुरी परेको अख्तियार दुरुपयोग अनुसन्धानको कार्यालय बुटवलले जनाएको छ । जस मध्ये ३७ वटा उजुरी फर्छ्यौट भएका कार्यालयले जनाएको छ ।
स्थानीय तहहरु मध्य सबै भन्दा बढी उजुरी बर्दघाट नगरपालिकाको रहेको छन भने सबै भन्दा कम उजुरी पर्नेमा सुस्ता गाउँपालिका रहेको छ । यस आर्थिक बर्ष सुरु भए यता बर्दघाट नगरपालिकाको २९ वटा उजुरी परेको र ९ वटा उजुरी फर्छ्यौट भएको अख्तियर कार्यालय बुटवलले जानकारी दिएको छ ।
सरावल गाउँपालिकाको २७ उजुरी मध्ये ६ उजुरी फर्छ्यौट, पाल्हिनन्दन गाउँपालिकाको १२ वटा उजुरी मध्ये ५ उजुरी फर्छ्यौट, सुनवल नगरपालिकाको १८ उजुरी मध्ये ९ वटाको फर्छ्यौट, रामग्राम नगरपालिकाको १० वटा उजुरी मध्ये ५ वटाको फर्छ्यौट भएको अख्तियार दुरुपयोग अनुसन्धान आयोग बुटवलका शाखा अधिकृत नवराज भण्डारीले जानकारी दिनुभयो ।
त्यसैगरी प्रतापपुर गाउँपालिकाको ७ वटा उजुरी मध्ये २ वटा उजुरी फर्छ्यौट भएको र सुस्ता गाउँपालिकाको २ वटा उजुरी मध्ये एउटा उजुरीको फर्छ्यौट भएको भण्डारीले जानकारी दिनुभयो । भ्रष्टाचार विरुद्धको नागरिक निगरानी संस्था नवलपरासीले आयोजना गरेको कार्यक्रममा सो तथ्याङ्कका बारेमा जानकारी गराइएको हो ।
विद्यालयमा दिवा खाजा, कर्मचारी भर्ना, उपभोक्ता समिति, कामको गुणस्तर लगायतका प्रकृतिका उजुरीहरू पर्ने गरेको उहाँले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच