काठमाडौं । साफ यू-१९ महिला च्याम्पियनसिप २०२४ अन्तर्गतको लिग चरणको दोस्रो खेलमा नेपालले जित हात पारेको छ । बंगलादेशमा जारी प्रतियोगितामा नेपालले भुटानलाई पराजित गरेको हो । नेपालले बंगलादेशलाई १-० ले पराजित गरेको थियो । नेपालका लागिसेनु परियारले दोस्रो हाफमा निर्णयाक गोल गर्नुभयो । उहाँले खेलको ५४औं मिनेटमा अफसाइड ट्रयाप बिट गरेपछि गोलरक्षकलाई समेत छलाउँदै उत्कृष्ट गोल गर्नुभएको थियो ।
पहिलो खेलमा आयोजक बंगलादेशसँग ३-१ ले पराजित भएको थियो । यस खेलमा जित हात पारेसँगै नेपालले फाइनल पुग्ने सम्भावनालाई जीवित राखेको छ । नेपालको दुई खेलमा तीन तथा भारत र बंगलादेशको एक खेलमा तीन-तीन अंक छ । भुटान अंकविहीन छ । लिग चरणका शीर्ष दुई टोलीले फाइनल खेल्नेछन् ।
नेपालका मुख्य प्रशिक्षक बालगोपाल साहुखल हुनुहुन्छ । प्रतियोगितामा भारत, बंगलादेश र भुटानसहित चार टोली सहभागी छन् । नेपाली टोलीमा गोलरक्षक सुजाता तामाङ र करुणा बुढाथोकीसँगै रक्षक सीता रोकाया, माया मास्के, सिमरन राई, भावना परियार, झुमा विश्वकर्मा, पुनम चेम्जोङ र सुशीला केसी, स्ट्राइकर सेनु परियार, सुक्रिया मियाँ तथा वर्षा ओली, रोजिता विष्ट, सरिताकुमारी नाथ, गंगा रोकाया, बिर्सना चौधरी, लीला चन्द, पूर्णिमा राई, समीक्षा मगर र सजिना स्याङ्तान रहनुभएको छ ।
यू-१८, यू-१९ र यू-२० का रूपमा आयोजना हुँदै आएको प्रतियोगिताको नेपालले अहिलेसम्म उपाधि उचालेको छैन । प्रतियोगिता पाँचौँपटक हुँदै गर्दा बंगलादेश सर्वाधिक तीनपटकको च्याम्पियन हो । भारतले एकपटक उपाधि जितेको छ । नेपाल २०१८ र २०२३ मा मात्रै उपविजेता बनेको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच