काठमाडौं । नेपालले काठमाडौंमा जारी आइसिसी क्रिकेट विश्वकप लिग-२ अन्तर्गत त्रिकोणात्मक सिरिजमा अर्को हार बेहोरेको छ । तेस्रो हार बेहोर्ने क्रममा नेपाललाई टियु क्रिकेट मैदानमा आइतबार नेदरल्याण्ड्सले ८ विकेटले पराजित गर्यो । यससँगै नेपालले लिग-२ अन्तर्गत घरेलु मैदानमा ३ हार बेहोरेको छ । लिग-२ तालिकामा नामिबियाको ६ अंक छ । नेदरल्याण्ड्सको चार अंक तथा नेपालको दुई अंक रहेको छ । अब नेपालले लिग-२ अन्तर्गत सेप्टेम्बरमा क्यानडा र अक्टोबरमा अमेरिकाको भ्रमण गर्नेछ ।
नेपालले जितका लागि प्रस्तुत गरेको १७३ रनको लक्ष्य नेदरल्याण्ड्सले ३८औँ ओभरमा २ विकेट गुमाएर पूरा गरेको हो । नेदरल्याण्ड्सका लागि विक्रमजित सिंहले नटआउट ५८ रन जोड्नुभयो । उहाँले ९२ बलमा ७ चौका प्रहार गर्नुभयो । एंगलब्रेक्टले ७५ बलमा ३ चौकासहित नटआउट ४६ रन बनाउनुभयो । यी दुईले तेस्रो विकेटका लागि १०२ रनको साझेदारी गर्दै जित दिलाउनुभयो ।
माइकल लेभिटले ३४ बलमा ३९ रन जोड्नुभयो । उहाँले ३ चौका र ३ छक्का प्रहार गर्नुभएको थियो । त्यसअघि कीर्तिपुरस्थित त्रिभुवन विश्वविद्यालयको क्रिकेट मैदानमा टस हारेर पहिले ब्याटिङको निम्तो पाएको नेपालले ४९.३ ओभरमा सबै विकेट गुमाउदै १७२ रनको योगफल बनाउन सक्यो ।
नेपालका लागि कुशल भुर्तेलले ९३ बल खेल्दै आठ चौकाको मद्दतमा ६६ रन बनाउनुभयो । त्यस्तै, करण केसीले २६ रन बनाउँदा आरिफ शेखले २२ रन जोड्नुभयो । आसिफ शेखले १७, कप्तान रोहितकुमार पौडेलले १६, अनिल शाहले सात र गुल्शन झाले पाँच रन बनाउनुभयो ।
पहिलो विकेटका लागि आसिफ शेख र कुशल भुर्तेलले ४२ रनको साझेदारी गर्नुभएको थियो । त्यसपछि नेपालले लगातार विकेट गुमायो । नवौँ ओभरको तेस्रो बलमा नेपालले आसिफ शेखलाई गुमाएको थियो । त्यसको दुई ओभरपछि नै किंग्माले नै अनिल साहलाई बोल्ड गर्नुभयो । उहाँले ११ बलमा १ छक्का प्रहार गर्नुभयो ।
त्यसपछि पनि विकेट जाने क्रम रोकिएन । १३औँ ओभरको अन्तिम बलमा आर्यन दत्तले कुशल मल्ललाई एलबिडब्लु धरापमा पार्नुभयो । कुबलले ९ बलमा २ रनमात्रै जोड्दा नेपाल नेपाल ५४-३ को स्थितिमा थियो ।
२५औँ ओभरको तेस्रो बलमा कप्तान रोहित पौडेल क्याच आउट हुनुभयो । उहाँले ४० बलमा १६ रनमात्रै बनाउन सक्नुभयो । लगत्तै २८औँ ओभरमा दीपेन्द्र सिंह ऐरी रनआउट हुनुभयो । भीम सार्कीले खाता नखोली बोल्ड हुनुभयो । ३७औँ ओभरमा कुशल भुर्तेल पनि आउट भएपछि नेपालले ठूलो स्कोर बनाउन सकेन ।
नेदरल्याण्ड्सका आर्यन दत्त र भिभियन किंग्माले समान तीन÷ तीन विकेट लिनुभयो । यसैगरी बास डि लिडेले दुई विकेट लिँदा रोलेफ भान डर मर्वेले एक विकेट लिनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच