काठमाडौं । जनकराज आचार्यको कवितासंग्रह “जीवन रङ्ग खोजिरहेछ” अमेरिकामा विमोचन भएको छ ।
बुधबार “Rotary club of New York -Queens " मा अर्धमासिक सभा तथा वृहत रक्तदान कार्यक्रमा उहाँको कृति 'जीवन रङ्ग खोजिरहेछ' कविता संग्रह विमोचन गरिएको हाे ।
विमोचन कार्यक्रममा चमेली परियारले कविताको मिठो वाचन गर्नुभएको थियो । उक्त कार्यक्रम मार्फत कवि आचार्यलाई बधाई दिँदै उहाँको उत्कृष्ट लेखनहरु निरन्तर चलिरहोस् र अझ धेरै उर्जा मिलोस् भन्दै शुभकामना व्यक्त गरिएको थियो ।
सानरब प्रकाशन पुतलीसडक काठमाडौंले प्रकाशन गरेको उक्त कविता संग्रहमा साना ठूला गरी ४३ वटा कविता समावेश छन् ।
उन्नति बुक्स प्रदर्शनीमार्ग वितरक भएको यस कविता संग्रहभित्र कवि आचार्यले बाल कवितादेखि देशप्रेम, समसायिक विषयलाई समेट्नु भएको छ । संग्रहित कविताहरुमा भिन्नाभिन्नै स्वाद पाइन्छ । कविताका माध्यमबाट कविले सांस्कृतिक महत्व र देशप्रेस देखाउन खोज्नुभएको छ । इतिहास-वर्तमान, स्कुले जीवनदेखि गाउँघर अनि शहरका दैनिकीकाे प्रचुर आभास पाइने कविता संग्रहका लेखक आचार्य नुवाकोट ककनी -३ चाउथेका स्थायी वासिन्दा हुनु हो ।
कानुन र मानवशास्त्रमा प्रथम श्रेणीमा स्नातकोत्तर गर्नुभएको आचार्य हाल कानुनी पेशाका अलवा काठमाडौंका विभिन्न कलेजहरुमा प्राध्यापन पेशा समेत गर्नुहुन्छ । उहाँले 'कानुनमा उत्कृष्ट लेखन पुरस्कार २०७४' समेत प्राप्त गर्नुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच