काठमाडौं । सूर्यज्योति लाइफले नवलपरासीको मध्यबिन्दु नगरपालिका-३ स्थित फूलबारी सामुदायिक पुस्तकालय तथा स्रोत केन्द्रलाई १० थान सिलाइ मेसिन र सामग्री सहयोग प्रदान गरेको छ । कम्पनीले ११४औँ अन्तर्राष्ट्रिय नारी दिवसका अवसरमा संस्थागत सामाजिक उत्तरदायित्वअन्तर्गत उक्त सहयोग गरेको हो ।
कम्पनीले विपन्न वर्गका महिलाको आर्थिक क्षमता वृद्धि गर्न निरन्तररूपमा सीपमूलक सिलाइकटाइ तालिम सञ्चालन गर्ने उद्देश्यले १० थान सिलाइ मेसिन तथा सोसँग सम्बन्धित सामग्री हस्तान्तरण गरिएको जनाएको छ । संस्थाले विभिन्न सरकारी तथा गैरसरकारी संस्थाको सहयोगबाट वित्तीय साक्षरता, सीपमूलक प्रविधि शिक्षा, खेलकुद, जलवायु परिवर्तन न्यूनीकरण, अनुकूलनसम्बन्धी गतिविधि, खेलकुद तथा साक्षरता कक्षासम्बन्धी विभिन्न गतिविधि सञ्चालन गर्दै आएको छ ।
फूलबारी सामुदायिक पुस्तकालय तथा स्रोत केन्द्र, मध्यबिन्दु-३, नवलपरासीमा आयोजित कार्यक्रममा संस्थाका अध्यक्ष अम्मरबहादुर महतो, सचिव काशीराम पाठक तथा संस्थाका पदाधिकारीसहित रोटरी क्लब नवलपरासीका पदाधिकारी, स्थानीय जनप्रतिनिधि, तालिममा सहभागी महिला र सूर्यज्योति लाइफका क्षेत्रीय प्रबन्धक ईश्वर विकल सापकोटाको उपस्थिति थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच