बार्सिलोना । स्पेनिस फुटबल क्लब बार्सिलोनाका मुख्य प्रशिक्षक जाभी हर्नान्डेजले क्लब छाड्ने निर्णयबाट आफू पछि नहट्ने बताउनुभएको छ । गत जनवरीमा जाभीले जारी सिजनको अन्त्यपछि बार्सिलोनाको मुख्य प्रशिक्षकको जिम्मेवारी त्याग्ने घोषणा गर्नुभएको थियो । स्पेनिस ला लिगाअन्तर्गत गत जनवरी २७ तारिखमा भिल्लारियलसँग घरेलु मैदानमै ५-३ गोलअन्तरको पराजय भोगेपछि जाभीले बार्सिलोना छाड्ने घोषणा गर्नुभएको थियो ।
तर, त्यसपछि बार्सिलोनाले ला लिगाको आठमध्ये ६ खेलमा जित हात पार्दा दुई खेलमा अंक बाँडेको थियो । साथै बार्सिलोनाले जारी सिजनको च्याम्पियन्स लिगको क्वाटरफाइनलमा समेत स्थान बनाउन सफल भयो । तर, शुक्रबार आयोजित एक पत्रकार सम्मेलनका क्रममा बार्सिलोनाका अध्यक्ष जोआन लापोर्टाले जाभीलाई अर्को सिजन पनि बार्सिलोनामै बस्न आग्रह गरेको भए पनि जाभीले भने आफू क्लब छाड्ने निर्णयबाट पछि नहट्ने बताएको सिन्हृवाले जनाएको छ । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच