आगलागीमा दुई लाख नगदसहित तीन घरगोठ जलेर नष्ट, १३ वटा बाख्रा पनि जले

राधिका बुढाथोकी सिन्धुली, संवाददाता

Monday April 1, 2024

Read Time = 1 min

डिजिटल संस्करण

प्रदेश समाचार

बागमती प्रदेश

A A- A+

सिन्धुली । सिन्धुलीमा सोमबार आगलागी भएको छ । कमलामाई नगरपालिका–१२ माथिल्लो टङ्सारमा आगलागी भएको हो ।

राति १:३० बजेतिर भएको आगलागीमा परेर १३ वटा बाख्रा जलेको वडाध्यक्ष भीमबहादुर गुर्मछानले जानकारी दिनुभयो । उहाँअनुसार स्थानीय देवबहादुर कार्कीको दुई वटा घर र एउटा गोठ पूर्ण रुपमा जलेर नष्ट भएको छ ।

घर र गोठ जल्दा नगद दुई लाख रुपैयाँसहित घरमा भएको खाद्यान्न, भाडाकुँडा लत्ताकपडासमेत पूर्ण रुपमा क्षति भएको उहाँले बताउनुभयो । आगलागीको कारण खुल्न सकेको छैन ।

घटनास्थलमा प्रहरी पुगेर थप अनुसन्धान गरिरहेको उहाँले बताउनुभयो ।

सरोकार

यो खबर पढेर तपाईलाई कस्तो महसुस भयो ?