काठमाडौं । नेपाल भ्रमणमा रहेको आयरल्याण्ड वुल्भ्सविरुद्ध नेपाल ‘ए’ टोलीले सान्त्वना जित निकालेको छ । सोमबार भएको सिरिजको तेस्रो तथा अन्तिम खेलमा नेपाल ‘ए’ टोलीले ३ रनको रोमाञ्चक जित निकालेको हो । यससँगै आयरल्याण्डले सिरिज २-१ ले आफ्नो पक्षमा पारेको छ ।
नेपालले दिएको २१४ रनको लक्ष्य पछ्याएको आयरल्याण्डले २० ओभरमा ७ विकेटको क्षतिमा २१० रन जोड्यो । आयरल्याण्डका ओपनर रोस एडियरले १४ बलमा ३१ रन जोड्नुभयो भने जेम्स म्याकुलम ४ रन र पिटर मुर २ रनमा आउट हुनुभयो । यस्तै, कप्तान निल रकले २ रनमात्र जोड्न सक्नुभयो । तर, मोर्गन टपिङ र ग्यारेथ डेलनीले अर्धशतक प्रहार गर्दा आयरल्याण्डले नेपालमाथि दबाब बढाएको थियो ।
टपिङ ६० रन र डेलनी ६८ रन जोडेर आउट हुँदा नेपाललाई राहत मिलेको थियो । अन्तिम ओभरमा आयरल्याण्डलाई २० रन चाहिँदा नेपालका रशिद खानविरुद्ध फिन हृयान्डले पहिलो बलमा छक्का प्रहार गर्नुभयो । त्यसपछि उहाँले दोस्रो बलमा २ रन र तेस्रो बलमा पनि २ रन लिनुभयो । चौथो बलमा चौका प्रहार गर्दा उसलाई दुई बलमा ६ रन चाहिएको थियो । पाँचौँ बलमा २ रन लिने क्रममा हृयान्ड २२ रन जोडेर आउट हुनुभयो । जसका कारण अन्तिम बलमा उसलाई जितका लागि ५ रन चाहिएको थियो । तर, रशिद खानविरूद्ध आयरल्याण्डका म्याकार्थीले १ रनमात्र लिन सक्नुभयो ।
बलिङमा नेपालका विपिन खत्रीले ३ विकेट लिनुभयो । उहाँले ४ ओभरमा १ मेडन राख्दा २३ रन दिनुभयो । कमलसिंह ऐरी, रशिद खान र नारायण जोशीले १-१ विकेट लिनुभयो ।
आयरल्याण्डले अब नेपालसँग तीन खेलको ओडिआई सिरिज खेल्नेछ । सिरिजको पहिलो खेल बुधबार हुनेछ । दोस्रो खेल शुक्रबार र सिरिजको अन्तिम खेल आइतबार हुनेछ । सिरिजका लागि यसअघि नै विनोद भण्डारीको कप्तानीमा टोली घोषणा भइसकेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच