जुम्ला । सार्वजनिक शिक्षा सुधारका लागि कर्णाली प्रदेशका दश जिल्लाका तेह्रवटा विद्यालय छनौट भएकाछन् । प्रदेश सरकारले सार्वजनिक शिक्षा सुधारका लागि नमूना विद्यालय भौतिक पूर्वाधार निर्माण गर्न सो दश जिल्लाका विद्यालयहरुलाई छनोट गरेको हो ।
सार्वजनिक शिक्षा सुधारसम्बन्धी एक जिल्ला एक नमूना विद्यालय भौतिक पूर्वाधार निर्माण एवं शिक्षण सिकाई सुधार र शिक्षकको पेशागत सहयोग कार्यविधि, २०८० अनुसार विद्यालयहरु छनोट गरिएको हो । यही चैत ५ गतेको मन्त्रीस्तरीय बैठकको निर्णयबाट दश जिल्लाका तेह्र विद्यालयहरु नमूना विद्यालय भौतिक पूर्वाधार निर्माणका लागि छनोट गरिएको शिक्षा विकास निर्देशनालयका निमित्त निर्देशक दीपा हमालले जानकारी दिनुभयो ।
छनोटमा परेका विद्यालयहरुमा हुम्लाको अदानचुली गाउँपालिकाको सल्लाघारी मावि, डोल्पाको ठूलीभेरी नगरपालिकाको सरस्वती मावि, मुगुको मुगुम कार्मारोङ को नेपाल राष्ट्रिय आवासीय विद्यालय, जुम्लाको कनकासुन्दरी गाउँपालिकाको कनकासुन्दरी मावि, कालीकोटको नरहरीनाथ गाउँपालिकाको नन्दादेवी मावि, दैलेख आठबीस नगरपालिकाको जनज्योति मावि र सुर्खेत लेकबेसी नगरपालिकाको लेखफर्सास्थित आदर्श मावि रहेका छन् ।
एक नमूना विद्यालय भौतिक पूवार्धार निर्माण अन्तरगत भूकम्प प्रभावित जिल्लामा भने दुई/दुई विद्यालय छनोट गरिएको निर्देशक हमालले बताउनुभयो । जसमा जाजरकोट छेडागाड नगरपालिका-१२ कार्कीगाउँमा रहेको नारायणी मावि, शिवालय गाउँपालिका-६ थलारैकरको ईन्द्रज्योति मावि, सल्यान कपुरकोट गाउँपालिका-४ किमचौरको नेपाल राष्ट्रिय मावि, दार्मा गाउँपालिका-४ फारुलाचौरको जनज्योति मावि छनोटमा परेको उहाँको भनाई छ ।
रुकुमपश्चिमको चौरजहारी नगरपालिका-२ नयाँ बजारस्थित शीतल मावि र मुसिकोट नगरपालिका-५ सेरीगाउँमा रहेको यमुना नन्द मावि छनोटमा परेका छन् । फिडर विद्यालय, विद्यार्थी तथा शिक्षक संख्या, विद्यालयको भौतिक अवस्था, प्रविधिको प्रयोग जस्ता आवश्यक मापदण्डका आधारमा विद्यालयहरु छनोट परेको निमित्त निर्देशक हमालले बताउनुभयो । छनोटमा परेका विद्यालयहरुको भौतिक पूर्वाधार निर्माण तथा कक्षाकोठाको शिक्षण सुधारका लागि रु १४ करोड बजेट विनियोजन भएको शिक्षा विकास निर्देशनालय सुर्खेतले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच