दाङ । लुम्बिनी प्रदेशका मुख्यमन्त्री जोख वहादुर महराले विना विभागीय मन्त्री नियुक्त गरेको केही समयपछि मन्त्रालय थपेर नेकपा एसका सांसद भगवती घिमिरेलाई सरकामा सहभागी गराउनु भएको छ ।
नेकपा एस संगको सहमतिअनुसार सरकार अघि नबढेको भन्दै असन्तुष्टि जनाए पछि मुख्यमन्त्रीले नेकपा एसका घिमिरेलाई पनि सरकामा सहभागी गराउनु भएको हो । नेकपा एसले मुख्यमन्त्रीको शपथमा समेत सहभागिता जनाएको थिएन । प्रदेशमा मुख्यमन्त्रीसहित १० मन्त्रालय थिए ।
मुख्यमन्त्रीसहित ३ मन्त्रीले चैत २५ गते शपथ खाएका थिए । मुख्यमन्त्री महराले ६ जनालाई विना विभागीय मन्त्रीमा नियुक्त गर्दै यसअघि नियुक्त भएका तीन जना विना विभागीय मन्त्रीलाई विभागीय जिम्मेवारी दिइसकेपछि नेकपा एसको असन्तुष्टि मिलाउन घिमिरेलाई मन्त्री बनाउनुभएको हो।
मुख्यमन्त्री कार्यालयको पहिलो विज्ञप्तिमा घिमिरेको नाम समावेश थिएन भने दोस्रो विज्ञप्तिको ११ औँ नम्बरमा उहाँको नाम समावेश गरेर सार्वजनिक गरिएको हो ।
बिहीबार एमालेका चेतनारायण आचार्यले आर्थिक मामिला तथा योजना मन्त्रालय, नेकपा माओवादी केन्द्रका दीपेन्द्रकुमार पुनले स्वास्थ्य मन्त्रालय र जसपाका भण्डारीलाल अहिरले कृषि तथा व्यवस्था भूमि मन्त्रालयको जिम्मा पाएका पाउनुभएको छ । अन्य ७ जना विना विभागीय मन्त्री बनेका छन् ।
बिहीबार एमालेका दिनेश पन्थी, खड्क बस्नेत, धर्मबहादुर चौधरी, अर्जुनकुमार केसी, भूमेश्वर ढकाल र रत्नबहादुर खत्री बिना विभागीय मन्त्री वन्नुभएको हो । पछिल्लो सूची अनुसार लुम्बिनी प्रदेशमा ११ सदस्यीय मन्त्रिमण्डल गठन भएको छ। पाँच राजनीतिक दलका ४७ र एक स्वतन्त्र गरी ४८ प्रदेशसभा सदस्यको समर्थनमा चैत २३ गते माओवादी संसदीय दलका नेता महरा मुख्यमन्त्री वन्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच