काठमाडौं । नेकपा एमालेका अध्यक्ष केपी शर्मा ओली अस्वस्थ हुनुभएको छ ।
उहाँको स्वास्थ्यमा समस्या देखिएपछि गोदावरीमा जारी राष्ट्रिय महाधिवेशन प्रतिनिधि परिषद् बैठक पार्टीका वरिष्ठ उपाध्यक्ष ईश्वर पोखरेलको अध्यक्षतामा चलिरहेको छ ।
शनिवार महाधिवेशन प्रतिनिधि परिषद्को उद्घाटन र राजनीतिक प्रतिवेदन पेश गर्नुभएका ओली अस्वस्थ भएपछि आजको बैठकमा उपस्थित नहुनु भएको हो ।
उहाँलाई रुघाखोली लागेकाले आइतवारको बैठकमा उपस्थित नभइ घरमा आराम गरिरहनुभएको सचिवालय स्रोतले जानकारी दियो ।
शनिवार प्रस्तुत भएका ६ वटा प्रतिवेदनमा ६ वटै समूह बनाएर छलफल भएपछि अहिले निष्कर्ष प्रस्तुत गर्ने काम भइरहेको छ ।
समूहगत छलफलको निष्कर्ष प्रस्तुत भएपछि उपाध्यक्ष पोखरेल र महासचिव शंकर पोखरेलले जवाफ दिनेछन् । त्यसपछि आजै प्रतिनिधि परिषद्को बैठक सकाउने एमालेको तयारी छ ।
आज बैठक सकिएपछि सोमवार एमालेले नेकपा स्थापनाको हीरक महोत्सव मनाउँदै छ ।
यही कार्यक्रमको लागि प्रधानमन्त्री पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवालाई पनि आमन्त्रण गरिएको छ ।
स्वास्थ्य सुधार भए सोमवारको कार्यक्रममा भने अध्यक्ष ओली सहभागी हुने सचिवालयले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच