काठमाडौं । शहीद स्मारक ‘सी’ डिभिजन क्लब खेलिरहेका नौवटा क्लबले आरसी ३२ फुटबल एकेडेमीले अर्कै क्लबमा आबद्ध खेलाडी नियम विपरीत खेलाएको भन्दै अखिल नेपाल फुटबल संघ (एन्फा) अध्यक्ष पंकजविक्रम नेम्वाङलाई ध्यानाकर्षण पत्र बुझाएका छन् । क्लबहरूले एन्फा अध्यक्ष नेम्वाङलाई सम्बोधन गरेको ध्यानाकर्षण पत्र एन्फा सिइओ इन्द्रमान तुलाधर, एन्फाका सहायक महासचिव अरुणमान जोक्कीलगायतलाई बुझाएका हुन् ।
हाल ‘सी’ डिभिजन लिग खेलिरहेको सुर्खेतको आरसी ३२ ले खालीबारी युवा क्लब तथा महावीर क्लबविरूद्धको खेलमा अर्कै क्लबमा आबद्ध खेलाडी खेलाएको उनीहरूको आरोप छ । ध्यानाकर्षण गराउनेमा महावीर क्लब, खालीबारी युवा फुटबल क्लब, स्वयम्भू क्लब, सामाजिक युवा क्लब, झम्सीखेल युथ क्लब, मनोहरा एकीकृत युवा क्लब, पुल्चोक स्पोर्ट्स क्लब, गोलबजार स्पोर्ट्स क्लब र समाज कल्याण खेलकुद केन्द्र छन् ।
यस्तै, नौ क्लबले चैत २५ गते हुने भनिएको ‘बी’ डिभिजन लिग अहिलेसम्म नभएकोमा आपत्ति जनाउँदै ‘बी’ डिभिजन लिगको मिति घोषणा नभए ‘सी’ डिभिजन लिग नै स्थगित गर्नुपर्ने अवस्था आउन सक्ने भन्दै एन्फा अध्यक्षको ध्यानाकर्षण गराएका छन् ।
‘सी’ डिभिजन लिगको सातौँ चरणको समाप्तिसम्म ‘बी’ डिभिजन लिगको मिति घोषणा गर्न क्लबहरूले माग गरेका छन् । ‘बी’ डिभिजन लिग घोषणा नभए ‘सी’ डिभिजन लिग बीचैमा स्थगित हुन सक्नेमा पनि उनीहरूले सचेत गराएका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच