काठमाडौं । दुबईमा सम्पन्न ‘दुबई बुदोकान कप अन्तराष्ट्रिय कराँते प्रतयोगिता २०२४’ मा नेपालले ६ स्वर्ण र एक कांस्य पदक जितेको छ । अप्रिल २८ मा भएको उक्त प्रतियोगितामा सिनियरतर्फ ६० केजीमा बुद्धिमान माझी, १२-१३ वर्ष उमेर समूहमा कुशल खत्री, ११-१२ उमेर समूहमा दिज्ञ शाह र १४-१६ वर्ष उमेर समूहमा स्वर्णिमा सिंह ठकुरीले नेपाललाई स्वर्ण पदक दिलाउनुभएको हो । माझीले पहिलो स्पर्धा भारतसँग २-१, श्रीलंकासँग ३-२ र फाइनलमा दुबईसँग १-० अन्तरको जितसँगै स्वर्ण चुम्नुभएको थियो । उहाँले एकल कातातर्फ पनि स्वर्ण पदक हासिल गर्नुभयो ।
त्यसैगरी खत्रीले सेमिफाइनलमा भारतलाई ७-० ले पराजित गर्दै फाइनलमा लेवनानका खेलाडी आदमलाई १-१ अंकको बराबरीमा सेन्सोका आधारमा पराजित गर्दै स्वर्ण आफ्नो पोल्टामा पार्न सफल हुनुभयो । खत्री उक्त उमेर समूहका कातातर्फका पनि स्वर्ण विजेता हुनुहुन्छ । यसैगरी चिल्ड्रेन ११-१२ वर्ष उमेर समूहमा शाहले सेमिफाइनलमा लेवनानका खेलाडीलाई ३-० को अन्तरले हराउँदै फाइनलमा भारतका खेलाडीलाई ६-२ ले पराजित गरी नेपाललाई स्वर्ण दिलाउनुभयो ।
त्यस्तै, १४-१६ वर्ष उमेर समूहमा नेपालकी स्वर्णिमा सिंह ठकुरीले सेमिफाइनलमा दुबईका खेलाडीलाई २-१ ले पराजित गर्दै र फाइनलमा भारतका खेलाडीलाई ३-२ ले हराउँदै स्वर्ण दिलाउन सफल हुनुभयो । त्यसैगरी प्राश्ना ढकालले पहिलो स्पर्धामा भारतका खेलाडीलाई २-१ ले हराउँदै सेमिफाइनलमा लेवनानका खेलाडीसंँग ५-३ ले पराजित भई कांस्य पदकमा चित्त बुझाउनुभयो ।
गत शुक्रबार दुबई प्रस्थान गरेको कराँते टोलीको नेतृत्व नेपाल सितोरियो कराँते संघका प्रवक्ता गजेन्द्रबहादुर खपांगी ‘ईश्वर’ले गर्नुभएको थियो । सात सदस्यीय टोलीसहित दुबई प्रस्थान गरेको उक्त टोलीको व्यवस्थापकको भूमिका पुष्पराज गिरीले निर्वाह गर्नुभएको थियो । कराँते टोली मंगलबार स्वदेश फर्किएको छ । सहभागी सम्पूर्ण खेलाडी नेपाल सितोरियो कराँते संघ शाखा डोजो नक्सालका हुन् । स्वदेश फिर्ता भएका खेलाडी तथा सहभागीलाई अभिभावक तथा कराँतेप्रेमीहरूले त्रिभुवन अन्तर्राष्ट्रिय विमानस्थलमा स्वागत गरेका थिए ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच