काठमाडौं । महिला सशक्तीकरणप्रतिको प्रतिबद्वतालाई निरन्तरता दिँदै लक्ष्मी सनराईज बैंकले ‘शिक्षित लक्ष्मी’ पहलको थालनी गरेको छ । बैंकले सो पहलअन्तर्गत विगत वर्ष नारी शिक्षाको उद्देश्यलाई सक्रियरूपमा समर्थन गर्न बैंकले गरेका विभिन्न गतिविधि र कार्यक्रम एउटै छाताभित्र ल्याएको हो ।
पहलले नारी शिक्षालाई प्रोत्साहन गरी उनीहरूलाई राष्ट्र निर्माणमा योगदान पुर्याउन सक्षम बनाउँदै समावेशी र समतामूलक समाज निर्माण गर्ने उद्देश्य राखेको छ । पहलअन्तर्गत आगामी सात वर्षमा कुल ३५ लाख रकम प्रदान गर्ने गरी बैंकले हालै समता एजुकेसन ट्रस्टसँग समझदारी गरेको छ । सो रकमले देशभरिका समता स्कुलमा अध्ययनरत सामाजिक र आर्थिकरूपमा विपन्न छात्राले वार्षिकरूपमा छात्रवृत्ति प्राप्त गर्नेछन् ।
त्यसैगरी आगामी पाँच वर्षसम्ममा एक करोडको छात्रवृत्ति कोष स्थापना गर्न काठमाडौं विश्वविद्यालय(केयु)सँग सम्झौता गरेको छ । सो कोषमार्फत् सोही विश्वविद्यालयबाट विज्ञान, प्रविधि, इञ्जिनियरिङ र गणितमा स्नातकोत्तर वा विद्यावारिधि गर्न चाहने योग्य तथा आर्थिकरूपमा विपन्न महिलाले छात्रवृत्ति प्राप्त गर्नेछन् । सो कार्यक्रमअन्तर्गत छात्रवृत्ति प्राप्त गर्ने महिलाको संख्या बर्सेनि बढाउँदै लगिने बताइएको छ । छात्रवृत्तिमार्फत् २०२४ ब्याचका इरादा सुवेदी (एमइ स्ट्रकचरल इञ्जिनियरिङ) र सुनेना न्याछ्योँ (एमएससिइएस) हाल अध्ययनरत हुनुहुन्छ ।
यसअघि पनि बैंकले नेपाल प्रहरीसँगको सहकार्यमा नेपालभरिका प्रहरी विद्यालयमा अध्ययनरत योग्य छात्रालाई यस्तै प्रकारको अक्षय कोष स्थापना गरी छात्रवृत्ति प्रदान गर्दै आएको छ । त्यसबाहेक बैंकले छात्रालाई अन्य क्षेत्रमा सहयोग गर्नुका साथै महिला उत्थानका लागि विभिन्न अभियान पनि सञ्चालन गर्दै आएको छ ।
उल्लेखित प्रयासले लक्ष्मी सनराईज बैंकको शिक्षित लक्ष्मीमार्फत् शिक्षा प्रवद्र्धन र महिला सशक्तीकरणप्रतिको प्रतिबद्धतालाई झल्काउने बैंकको भनाइ छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच