![जसपाका मन्त्रीहरुद्वारा सामूहिक राजीनामा](https://ehimalayatimes.com/wp-content/uploads/2024/07/jasapa-rajinama.jpg)
काठमाडौं । सत्ताको नेतृत्व गरिरहेको नेकपा (माओवादी केन्द्र) का महासचिव देवप्रसाद गुरुङले शान्ति प्रक्रियालाई निष्कर्षमा पु-याउन राष्ट्रिय सहमती आवश्यक रहेको बताउनुभएको छ ।
विस्तृत शान्ति सम्झौतामा सहभागी भएका राजनीतिक दलहरुबीच कम्तिमा पनि सहमती नभई शान्ति प्रक्रियाको काम निष्कर्षमा पुग्न नसक्ने उहाँको निष्कर्ष थियो । सोमवार बेपत्ता योद्धा समाज परिवार, नेपालले काठमाडौंमा आयोजना गरेको एक कार्यक्रममा बोल्दै महासचिव गुरुङले विश्वमा शान्ति नचाहने शक्तिहरुले नेपालमा पनि शान्ति प्रक्रियालाई भडकाउने प्रयास गरिरहेको दाबी समेत गर्नुभयो ।
मुलुकको आन्तरिक मामिलामा चलखेल गरेर उनीहरुले शान्ति प्रक्रियाको बाँकि कामलाई अघि बढाउन नदिएको महासचिव गुरुङले दाबी गर्नुभयो । उहाँले एउटा वा दुई वटा दलले मात्रै चाहेर मुलुकको शान्ति प्रक्रियाको कामले पूर्णता नपाउने बताउनु भयो ।
महासचिव गुरुङले भन्नुभयो, 'मुलुकको परिस्थितिको सन्दर्भमा सबै दलहरुबीच सहमती हुन जरुरी छ । सहमती हुन सकिराखेको छैन । कतिपय मुद्दाहरुमा सहमति हुन सकिराखेको छैन । राष्ट्रिय सहमतीको जरुरी छ । तर सहमती हुन सकिराखेको छैन । एउटा या दुईटा दलले चाहँदैमा मात्रै सहमती भईहाल्दैन । यो शान्ति प्रक्रियासँग जोडिएको हुनाले राष्ट्रिय सहमतीको जरुरी छ । कम्तिमा पनि शान्ति प्रक्रियामा सहभागी भएका दलहरुको सहमतीको जरुरी छ । ती दलहरुको सहमती विना यो टुंगिन कठिन छ । यो कामालाई टुंगोमा पु-याउन रुपमा मानव अधिकार संघ, संगठनको कुरा, पीडित परिवारको कुरा आदिआदि रुपमा देखिएका छन । तर सारत कहाँनिर देख्छु त भन्दाखेरी राष्ट्रियता, स्वाधिनता सम्बन्धि मुद्दामा समान बुझाई हुन सकेन । यो आन्तरिक मामिला हो । दलहरुको बीचमा आपसी सहमती गरेर शान्ति प्रक्रियालाई हल गर्नुपर्छ भन्नुपर्छ भन्ने मान्यता, स्थिरता र स्थायित्व कायम गर्दै जानुपर्छ भन्ने मान्यतामा एकरुपता हुन सकेन । त्यसले गर्दा निश्चित रुपमा अहिलेको विश्व परिस्थितिमा कतिपय शक्ति केन्द्रहरु शान्ति चाहँदैन । र भईराखेको शान्तिलाई पनि भंग गरेर अशान्तिको दिशातर्फ जान खोजिराखेको छ । युद्धको दिशातर्फ जान खोजिराखेको छ । सैन्य अष्त्रको होडबाजी, द्वन्द्वको स्थिति, शीतयुद्धको परिस्थितितिर गईरहेको छ । यो स्थितिले गर्दाखेरी विगतमा कालमा शान्ति प्रक्रियालाई हल गर्ने कुरा पनि भईराखेको शान्तिलाई कसरी भडकाएर द्वन्द्वको परिस्थितिमा लैजाने अहिलेका कतिपय शक्ति केन्द्रहरु त्यो दिशातर्फ केन्द्रित छ ।’
महासचिव गुरुङले दलहरुबीच राष्ट्र र राष्ट्रियताको सवालमा समान धारणा बनाएर अघि बढ्नुपर्ने खाँचो पनि औंल्याउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच