काठमाडौं । साताको सुरुदेखि निरन्तर उच्च अंकले बढिरहेको सेयर बजार मंगलबार पनि २३.९४ अंकले बढेको छ । यस दिन तीन सय १५ कम्पनीका एक करोड ३२ लाख ४१ हजार दुई सय १७ कित्ता सेयर पाँच अर्ब २० करोड ६२ लाख आठ हजार एक सय ११ रुपैयाँ बराबरको कारोबार भएको छ । अघिल्लो दिन सोमबारको तुलनामा कारोबार रकम भने ६४ करोड ८१ लाखले घटेको छ । अघिल्लो दिन पाँच अर्ब ८५ करोड ४३ लाख रुपैयाँ बराबरको सेयर कारोबार भएको थियो । कारोबारमा आएका १३ समूहगत सूचकमध्ये विकास बैंक र व्यापारमा सामान्य घटेको छ भने ११ समूहको बढेको छ । व्यापार ०.५३ र विकास बैंक ०.२९ प्रतिशतले घटेकामा फाइनान्स सर्वाधिक ३.५५, हाइड्रोपावर २.१६, बैंकिङ १.७७ र लघुवित्त १.४७ प्रतिशतले बढेको छ । लगानी, होटल तथा पर्यटनमूलक, जीवन बिमा, उत्पादन तथा प्रशोधन, म्युचुअल फण्ड, निर्जीवन बिमा र अन्यको वृद्धिदर एक प्रतिशतभन्दा कम छ ।
पोखरा फाइनान्सको सर्वाधिक २४ करोड ६४ लाख ७१ हजार रुपैयाँको कारोबार भएको छ भने सिइडिबी हाइड्रोपावर १२ करोड ९९ लाख, कालिका पावर कम्पनी १२ करोड ३८ लाख, माउण्टेन इनर्जी नेपाल १० करोड ४२ लाख र सिंगटी हाइड्रो पावरको १० करोड १० लाख रुपैयाँ बराबरको सेयर कारोबार भएको छ । चार कम्पनीको सेयर मूल्य १० प्रतिशतले बढेर सकारात्मक सर्किट लागेको छ । जानकी फाइनान्स, नेरुडे मिर्मिरे लघुवित्त, सामुदायिक लघुवित्त र मध्य भोटेकोशी जलविद्युत् आयोजनाको सेयर मूल्य उच्च अंकले बढेको हो ।
हिमालयन लघुवित्त, इष्टर्न हाइड्रो पावर, कुथली बुखरी स्मल हाइड्रो पावर, महुली लघुवित्त, नेपाल हाइड्रो डेभलपर र कालिका पावर कम्पनीलगायतको सेयर मूल्य पनि नौ रुपैयाँ हाराहारी बढेको छ । तर, शाइन रेसुंगा डेभलपमेन्ट बैंक, भगवती हाइड्रो पावर, एनआइसी एसिया ग्रोथ फण्ड-२ को इकाई मूल्य, रिभर फल्स पावर २.९१ र माण्डु हाइड्रो पावरको सेयर मूल्य २.६१ प्रतिशतले घटेको नेपाल स्टक एक्सचेन्ज(नेप्से)ले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच