काठमाडौं । प्रधानन्यायाधीश विश्वम्भरप्रसाद श्रेष्ठले मन भित्रको अन्तरव्रह्मले लिने निर्णय सार्थक र सिर्जनामुलक हुने बताउनुभएको छ ।
शनिवार ललितपुरमा कार्यक्रममा बोल्दै उहाँले यस्तो बताउनुभएको हो । लेखन कुञ्जद्वारा प्रकाशित एवं नेपालका प्रथम महिला न्यायाधीश शारदा श्रेष्ठद्वारा लिखित ‘शारदा श्रेष्ठ– नेपालकी प्रथम महिला न्यायाधीश’ लोकार्पण कार्यक्रममा सम्बोधन गर्दै उहाँले पुस्तकले सामाजिक यथार्थलाई चित्रण गरेको बताउनु भयो । उहाँले शारदा श्रेष्ठ निष्ठावान, कर्तव्यपरायण, शाहस, निडर व्यक्तित्व रहेको बताउनु भयो । उहाँले पुस्तकमा तत्कालीन अवस्थाका अदालतको कार्यशैली, कार्यवातावरण र प्रवेशको चित्रण रहेको बताउनु भयो ।
उहाँले भन्नुभयो, ‘पुस्तकले सामाजिक यथार्थलाई जसरी चित्रण गर्न खोजेको छ । त्यो लेखकको चेतना, बौद्धिकता, शाहस र सामाजिक परिवर्तनप्रतिको उत्कृष्ट अभिलाषा पनि हो । प्रश्तुतीहरुमा त्यसको स्पष्ट छनकसमेत पाउन सकिन्छ । पुस्तकका लेखक आदरणीय शारदा श्रेष्ठज्युलाई मैले जति नजिकबाट चिनेको, भिजेको छु, उहाँको व्यक्तित्वको बारेमा जति जानकारी छ, त्यसबाट के भन्छ मेरो अन्तरआत्माले के भन्छ भने उहाँ निष्ठावान, कर्तव्यपरायण, शाहस, निडर हुनुहुन्छ । मन भित्रको अन्तरव्रह्मले लिने निर्णय सार्थक र सिर्जनामुलक हुन्छ । उहाँका अनुभवहरुले तत्कालीन अदालतको कार्यशैली, कार्यवातावरण र प्रवेशको चित्रण पुस्तकमा पाइन्छ । साथै महिला न्यायाधीशप्रति कार्यस्थलमा हुने फरक व्यवहार र महिला कर्मचारीले भोग्नुपर्ने असुविधालाई पुस्तकमा उजागर गरिएको छ । सायद त्यस प्रकारका आरोह, अवरोह, घटना र परिघटनाले उहाँजस्तो समाज परिवर्तन भएको हो ।’
प्रधानन्यायाधीश श्रेष्ठले सेवा निवृत्त भएपछि पनि महिला शिक्षा तथा समाजिक एवं न्याय शिक्षाको सुधारका लागि लाग्नुपर्ने बताउनु भयो । महिलाहरुको उत्थान र विकासका लागि अझै काम गर्न जरुरी रहेको बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
कृतज्ञतासहित शुभकामना
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच