काठमाडौं । यही जेठ ३२ गतेदेखि सिनेमाघरमा आउने तयारीमा रहेको चलचित्र ‘बाटोः रोड टु डेथ’को ट्रेलर सार्वजनिक गरिएको छ । नेपाली, अंग्रेजी, तमिल र हिन्दी भाषामा निर्माण भएको यो चलचित्रको दुई मिनेट ३४ सेकेण्डको थ्रिलर शैलीको ट्रेलर आइतबार सार्वजनिक भएको हो ।
ट्रेलरमा जंगलमा रहेको बाटोमा गाडीबाट यात्रा गरिरहेका फरक–फरक पृष्ठभूमिका पात्रहरूले व्यहोरेको समस्यालाई देखाइएको छ । एम्बुलेन्समा सवार भइरहेकी नर्सले अस्पतालको सामग्री हातमा बोक्नै सहयोगको याचना गरिरहेको दृश्य देखाइएको छ । यसबाहेक ट्रेलरमा जंगलमा बसेर हिंस्रक गतिविधि गर्ने एक समूहले मानिसलाई कतिसम्म त्रसित र दुःख दिएको छ भन्ने दृश्य देखाइएको छ ।
चलचित्रलाई सेन्सर बोर्डले फिल्मको विषयवस्तु अनुसार १६ वर्ष उमेरभन्दा माथिका दर्शकले मात्र हेर्नेगरी सर्टिफिकेट दिएको छ । भारतको चेन्नइँमा प्राविधिक कार्य भएको चलचित्रमा मिथिला शर्मा, आशान्त शर्मा, सुलक्षण भारती, रक्षा थापा, उत्पल झा, विजय आनन्द ताम्राकार, राजेन थापा, आभाष अधिकारी, गणेश उपाध्याय, किरन शाहीलगायतको अभिनय छ ।
चन्दन झा निर्माता रहेको चलचित्रमा शरण ऋषिको छायांकन, एनबी महर्जनको द्वन्द्व छ । चलचित्रको लाइन प्रोड्युसर प्रकाश हमाल हुनुहुन्छ । डब्बी एटमस साउण्डमा तयार पारिएको चलचित्र काठमाडौं र गाईघाटमा छायांकन गरिएको छ । काठमाडौं फिल्मस्को व्यानरमा निर्माण भएको चलचित्रमा मदन थापाको लेखन र निर्देशन छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच