![पानीको बहाव बढेसँगै अरुण नदीमा संचालित फेरी बन्द](https://ehimalayatimes.com/wp-content/uploads/2024/06/bhojpur-feri.jpg)
पोखरा । गण्डकी प्रदेश प्रथम यू-१५ विद्यालय खेलकुदको एथलेटिक्समा बिहीबार टिम च्याम्पियन बनेको छ । चार स्वर्ण, तीन रजत र दुई कांस्य जित्दै गण्डकी समग्रमा टिम च्याम्पियन बन्यो ।
राष्ट्रिय खेलकुद परिषद् (राखेप) र प्रदेश खेलकुद परिषद्, गण्डकीद्वारा संयुक्त आयोजित प्रतियोगितामा लुम्बिनी प्रदेश तीन स्वर्ण, दुई रजत र ६ कांस्यसाथ दोस्रो भयो । तेस्रो स्थानको कर्णाली प्रदेशले तीन स्वर्ण, दुई रजत र एक कांस्य हात पार्यो । सहभागी सातै प्रदेश स्वर्णविहीन हुनुपरेन । १४ स्वर्णका लागि भएको प्रतिस्पर्धामा कोशी प्रदेश, सुदूरपश्चिम प्रदेश, मधेश प्रदेश र बागमती प्रदेशले समान एक-एक स्वर्ण जिते ।
पोखरा रंगशालामा भएको छात्र चार गुणा एक सय मिटर रिलेमा लुम्बिनी पहिलो, गण्डकी दोस्रो र सुदूरपश्चिम तेस्रो भए । सो स्पर्धाको छात्रामा गण्डकीले स्वर्ण, कोशीले रजत र कर्णालीले कांस्य जिते ।
सटपुटको छात्रमा कोशीका छिरिङ शेर्पा पहिलो हुनुभयो । उहाँले १०.५७ मिटर टाढा फाल्नुभयो । गण्डकीका गणेश श्रेष्ठ दोस्रो तथा लुम्बिनीका पारसबहादुर शाही तेस्रो स्थानमा रहनुभयो । उक्त स्पर्धाको छात्रामा ८.३७ मिटर थ्रो गर्नुभएकी लुम्बिनीकी सम्झना थारु पहिलो हुनुभयो । कर्णालीकी उर्मिला राजी दोस्रो तथा गण्डकीकी युना सारु मगर तेस्रो बन्नुभयो ।
छात्रको आठ सय मिटर दौडमा बागमतीका सुनिल विक पहिलो बन्नुभयो । उहाँले निर्धारित दूरी २ मिनेट ०९.६३ सेकेण्डमा पूरा गर्नुभयोे । कर्णालीका अनिल शाही दोस्रो तथा लुम्बिनीका विशाल थारु तेस्रो हुनुभयो । सो स्पर्धाको छात्रामा कर्णालीकी पूर्णिमा बुढाले निर्धारित दूरी २ मिनेट ३६.२६ सेकेण्डमा तय गर्दै स्वर्ण चुम्नुभयो । गण्डकीकी कञ्चन भण्डारी दोस्रो तथा मधेशकी आशा साह तेस्रो हुनुभयो ।
छात्रको दुई सय मिटर दौडमा गण्डकीका सुशान्त बोटेले स्वर्ण जित्नुभयोे । उहाँले निर्धारित दूरी २४.३३ सेकेण्डमा पूरा गर्नुभयो । लुम्बिनीका अभय राना दोस्रो तथा बागमतीका अजित ठाकुर तेस्रो स्थानमा रहनुभयो । त्यसै स्पर्धाको छात्रामा गण्डकीकी अनुष्का अधिकारी पहिलो हुनुभयो । अनुष्काले निर्धारित दूरी २७.६२ सेकेण्डमा पूरा गर्नुभयो । सुदूरपश्चिमकी रितु जोशी दोस्रो तथा लुम्बिनीकी जमुना लोध तेस्रो हुनुभयो ।
विजेतालाई प्रदेश खेलकुद परिषद्, गण्डकीका सदस्य–सचिव श्रीधर शर्मा, प्रदेश खेलकुद विकास परिषद्, बागमती प्रदेशका सदस्य–सचिव सूर्यलाल भण्डारी, राखेप कर्मचारी संघका महासचिव कुमार बस्नेतलगायतले एक कार्यक्रमबीच पुरस्कृत गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच